أعلنت وزارة التربية والتعليم عن أسماء أوائل الثانوية العامة أمس الإثنين،، والتى تضمنت حصول الطالبة ندى أحمد حسن الأولى على الجمهورية بالثانوية العامة أدبي من محافظة الأسكندرية.
وتحدثت 'ندى' لموقع وجريدة 'أهل مصر'، وقالت: 'مصدقتش نفسي لما سمعت الخبر، ومكنتش متوقعة المفاجأة، كنت بحس بضغط وتوتر والحمد لله عدت على خير'.
وأضافت: 'أنا بذاكر 6 ساعات يوميا وفي ليلة ما قبل الامتحان بذاكر أكتر من كده، في الأول كنت بحاول أعمل توازن بين المذاكرة والراحة عشان متعبش وأزهق عشان السنة طويلة، لكن مع الوقت بدأت أزود مدة المذاكرة حسب الحصص اللي باخدها'.
وتابعت: 'كنت باخد دروس أونلاين، تجربتي معاه حلوة، طول السنين اللي فاتت بسمع اونلاين عشان كده متعوده عليه، بتوفر في التعب والوقت والجهد'.
وعن حلمها بعد النجاح في الثانوية العامة، أردفت: 'حلمي أدخل كلية سياسة واقتصاد، عجباني مجال الدراسة بتاعتها وفرصها في الشغل كتير'.
ووجهت الأولى على الجمهورية بالثانوية العامة أدبي من محافظة الأسكندرية، رسالة لطلاب الثانوية، قائلة: 'كل واحد يعمل اللي يقدر عليه ويسيب الباقي على ربنا وهيكرمه'.
تابعوا آخر أهل مصر على Google News
