أحد الناجين من عقار كرداسة: «الشقة بقت رماد وأنا قاعد في الشارع دلوقتي» (فيديو)

وجه أحد الناجين من عقار كرداسة المنهار، وهو شخص مسن ، يبلغ من العمر 73 عامًا، رسالة استغاثة للمسؤولين بتوفير سكن بديل له.

وأضاف في تصريح خاص لـ «أهل مصر»، بصوت باكي، إنه يقطن في العقار منذ 4 سنوات واستيقظ فجرًا لسعيه على رزقه، وفور نزوله انفجر العقار.

محدش كلمنا من الحي علشان نروح سكن تاني

وتابع : أنه من هول الصدمة تبول على نفسه، مضيفًا «الشاب اللي قاعد معايا في الشقة من شدة الانفجار طار راح الشقة اللي قصادنا، أنا قاعد في الشارع مش عارف هاروح فين، أنا ببيع مناديل، ومباخدش معاش، محدش كلمنا من الحي علشان نروح سكن تاني».

وتابع: «اللي هتدهوني أنا راضي بيه، ياتدوني شقة ياتدوني فلوس، الشقة بتاعتنا راحت رماد».

انهيار عقار كرداسة

وكانت أمرت جهات التحقيق المختصة بانتداب المعمل الجنائي؛ لمعاينة موقع انهيار منزل بالكامل على قاطنيه فى كرداسة مما تسبب فى وفاة عدد من الأشخاص وإصابة آخرين.

وشهدت مدينة كرداسة شمال محافظة الجيزة حادثا مؤسفا فجر اليوم الإثنين عقب دوي صوت انفجار قوي تبعه انهيار منزل بالكامل على قاطنيه ما أسفر عن دفن عدد من الأشخاص أسفل الأنقاض حيث تبين مبدئيا مصرع عدد من الأشخاص وإصابة آخرين جاري حصرهم.

وانتقلت على الفور قوة أمنية إلى مكان الحادث مدعمة بسيارات الاسعاف والإطفاء وقوات والانقاذ البري.