'أنا مش مليونير .. ولا أنا حد زي ما هم شايفيني'ّ.. هذا ما أكده محمد سمير، صاحب تريند “مراسي”، الذي كشف لأول مرة عن تفاصيل شخصيته الحقيقية وطبيعة عمله، نافيًا كل ما تم تداوله عبر مواقع التواصل الاجتماعي بشأن كونه صاحب مطعم أو أنه شخصية ثرية أو مليونير كما روج له.
أنا مش مليونير
وقال صاحب تريند 'مراسي' خلال لقاء له على قناة 'ّالحدث اليوم': 'أنا زي أي حد بيشتغل في كل حاجة عشان يقدر يعيش.. أنا مش مليونير ولا أنا حد زي ما هم شايفيني”.
وأضاف محمد سمير أنه يعمل في شركة إدارة تابعة لشركة ليموزين، نافيا امتلاكه لأي مطاعم، قائلا: 'أنا بشتغل في شركة إدارة في شركة ليموزين، هم طلعوني اللي أنا صاحب مطعم، أنا مش صاحب مطعم ولا حاجة'.
فيديو عفوي من سنتين
وعن سبب انتشار الفيديو بصورة لافتة، أوضح أن موقفًا عفويًا تم تصويره داخل أحد الأماكن هو السبب، قائلا: “هو الموضوع كله إني بحب التمثيل، كان فيه فيديو انتشر لي وأنا واقف في مطعم وأنا شفته.. هي حاجة بيني وبين أصدقائي، فاتنين من أصدقائي فتحوا مطعم، فالكاركتر بتاع المكان شبه شخصيتي، فقلنا نعمل فيديو فطلع تريند'.
وأكد أنه لا يعتبر نفسه صانع محتوى بشكل احترافي؛ قائلًا: 'أنا مش بروفيشنال، صانع محتوى بس مش للدرجة اللي هي احترافي، أنا بعبر عن نفسي، صفحتي أغلب الريلز بتاعي مشاهد طبيعية عجبتني'.
وعن الهجوم الذي تعرض له على مواقع التواصل الاجتماعي، أكد محمد سمير أن أسرته كانت أكثر المتأثرين، قائلًا: 'أهلي كانوا أكتر حاجة ضايقتهم إنهم بيقولوا عليا حاجات مش فيا وبيفبركوا لي قضايا”.
وأشار إلى أن جزءًا من الهجوم عليه كان بسبب سوء الفهم لطبيعة المحتوى، قائلا: 'أنا عايز أوصل الصورة أكتر إن الموضوع كله ريل وإسكتش”.
وأخيرًا تحدث عن أكثر ما يضايقه من هذا الهجوم هو استغلال البعض للتريند؛ قائلًا: 'اللي مضايقني إن الناس فاهمة وعارفة إنه الفيديو تمثيل بس بيحبوا يركب تريند على حسابي'.
تابعوا آخر أهل مصر على Google News
