كشف الإعلامي أحمد موسى، أنه لم يكن لديه المعلومات بشأن ما وصفه بغزوة المطعم وهو واقعة منع فتاة من الصلاة في أحد المطاعم وبعد الحديث أمس وصل له سيل من المعلومات.
وتابع خلال تقديم برنامج على مسئوليتي، المذاع على قناة صدى البلد، أنه لو مفيش مصلى قريب أجلس على كرسي والتوجه ناحية القبلة وصلي فرض ربنا.
وأكد أن الصلاة لله مش لازم حد يشوفني وأنا بأصلي، وصاحبة الواقعة لفت في المول كله طول اليوم ومتعبتش وهي بتلف، طيب الأهم الشراء والشوبنج ولا الصلاة؟!
واستطرد الإعلامي أحمد موسى، أن الصح أن الصلاة أهم ولو أنها هتفوتني أروح أصلي، ما هو المول هيقفل طيب ما يقفل المول، ولا الشوبنج هيفوتك، طول النهار بتلفي مفتكرتيش الصلاة.
وتسائل: أيه الموضوع ومين والد البنت دي، قيادي إخواني قولا واحدا، وله فيديوهات يهاجم فيها القوات المسلحة، ومش هعرضها، وحرض على دماء المصريين وقتلهم يوم 1 يوليو، وله صورة مع الواد الإخواني الأمريكي الموجود في أمريكا والمحكوم عليه بالإعدام أحمد عبد الباسط
وأكمل الإعلامي أحمد موسى، أن هذه الفتاة والدها اسمه متولي عبد العزيز، وتم تعيينه قائما بأعمال عميد هندسة بني سويف أيام الجاسوس محمد مرسي، وذلك في 12 يوليو 2012.
وأشار إلى الموضوع ده ليس اعتباطا، لأنه من أمتى في مصر حد يمنع غيره يصلي، حاجة عمرنا ما شفناها، أما الإخوان ليهم 98 يتاجر بالدين ومعندهمش تجارة ولا حاجة غير كده، فاكرين الواد الهربان الإرهابي ممدوح إسماعيل لما وقف في مجلس الشعب أيام الإخوان عشان يأذن
واختتم: كل الإخوان ضلالية وكل كلمة أقولها مسئول عنها، وأعرف معنى كلمة أنهم ضلالية وتجار دين، وهم كاذبون ومدلسون ويبيعون البلد وكل حاجة عشان تنظيمهم ويتاجروا بالدين ويعملوا كل حاجة لأجل التنظيم، هو أنت مش بني آدم عشان تاخد أوامرك وتعليماتك من مرشد.
تابعوا آخر أهل مصر على Google News
