بعد خلعها الحجاب.. خالد زكي يوجه رسالة لـ صابرين

وجه الفنان القدير خالد زكي رسالة إلى الفنانة صابرين، بعد الهجوم الشديد والانتقادات اللاذعة التي تعرضت لها الفترة الماضية، بعد خلعها الحجاب.

وقال خالد زكي خلال حواره ببرنامج "الجمعة في مصر"، المذاع عبر قناة "ام بي سي مصر": "انا رايي الشخصي ان الواحد طالما مبيعملش حاجة غلط ومقتنع باللي بيعمله يعني خلاص انتهينا .. محدش ليه دخل بحد، صابرين اشتغلت معايا كتير جوة وبرة وفي اليونان انسانة جميلة جدا وعلى خلق شديد".

وتابع "زكي" قائلا: "لما تيجي تعمل موقف معين دي حاجة بتاعتها ميصحش حتى لو فيه البعض بيعترض ماينفعش التجريح والكلام ده، كل واحد يعمل اللي عايزه.. زي بالظبط الديانات انا مليش دخل اللي قدامي مسلم ولا مسيحي ولا بيعبد بقر مليش دخل، دي علاقة بينه وبين ربنا".

وواصل خالد زكي حديثه قائلا: "المهم انه انسان كويس ومحترم بيتعامل بشكل جيد مبيكدبش مبيسرقش مبيتقلش، لكن انا ليس لي علاقة بديانته دي علاقة بين العبد والرب وربنا اللي عالم اللي جوانا".