"كنت فاكرك هتتخنى".. لمياء فى دعوى خلع: "بيعايرنى عشان وزني ما زادش بعد الخلفة"

'كنت فاكرك هتتخنى بعد الخلفة والجواز لكن وزنك بقى زى ما هو ورفيعة روحى شوفى الستات جسمهم عامل ازاى'.. كانت هذه بعض الكلمات التى لفظها الزوج فى وجه زوجته لمياء، وقام بمعايرتها أمام الجميع مما جعلها تشعر بالاهانة الدائمة وشعرت أنها غير قادرة على العيش معه مرة أخرى مما دفعها إلى التوجة لمحكمة الأسرة لرفع دعوى خلع من زوجها مبررة استحالة العشرة معه، بعد ان قام بمعايرتها بالنساء الأخريات.

بيعايرنى أنى رفيعة

قالت الزوجة فى مستهل حديثها 'قبل الجواز جسمى كان رفيع، وهو لما اتقدم ليا كان شايف جسمى وأنى رفيعة ومعترضتش وأتجوزنا، بعد شهور رزقنى ربنا بطفل كانت الحياة بينا طبيعة ومكنتش اعرف أنه بيكره جسمى لكن اكتشف دا لما خلفت وبدأ يقولى انتى مش بتتخنى زى الستات ليه وبدأ يعايرنى بجمسى أنه وحش ورفيع ويضرب أمثال للستات نعرفهم وياريت الكلام بينا بس دا قدام أهله وكل معارفنا '.

رفع دعوى خلع

وتابعت حديثها ل أهل مصر' :' بقيت بحس بالنقص والاهانة قدام الكل، وعرفت انه كرهنى وبقيت أكره حتى نفسه وكلامه وطلبت منه الطلاق ورفض، وبعد تفكير طويل قررت أنى ارفع عليه دعوى خلع ومازالت الدعوى منظورة أمام القضاء'.