ألقى نفسه فى النيل ومات قهرا.. تفاصيل وفاة موظف بدار الأوبرا

كشفت المطربة إيناس عز الدين عن انتحار موظف يعمل بدار الأوبرا المصرية ملقيًا نفسه في نهر النيل.

وفاة موظف بدار الأوبرا المصرية

وكتبت إيناس عز الدين، عبر حسابها الشخصي بموقع التواصل الاجتماعي 'فيس بوك': 'زميل لينا في الأوبرا رجل على خُلق عمرنا ما شوفنا منه إلا الاحترام مات منتحر، رمى نفسه في النيل بسبب ظلم كبير وقع عليه وخلى الدنيا اتقفلت في وشه وساب الورقة دي.. تفتكروا المأساة وقفت على كده ؟'.

وأضافت: 'لا ده زميله كمان لما بلغه الخبر طب مات حزنًا عليه وعلى طريقة موته، والظلم اللي اتعرضله بس تفتكروا مين الظالمة المقصودة في رسالته ؟ ويا ترى هتعرف تعيش وتنام ؟ ويا ترى ظالمة كام إنسان غيره؟ فيه كام هاني تاني مظلومين ومقهورين ومتضررين بس لسه ما انتحروش ؟'.

وتابعت: 'طب فيه كام واحد من الظلم والقهر تعب ومرض ولا جاله جلطة ولا عصب سابع ولا سكتة وماحدش عرف بيه ؟ تفتكروا هاني وزميله حقهم عند مين، وهل ينفع يروح دمهم هدر ويموتوا والظالم أو الظالمة زي ما ذكر قبل وفاته يكمل عادي؟'.

واختتمت: 'حسبنا الله ونعم الوكيل في كل من جعل العمل بيئة سامة غير صالحة للعمل، فيه كام هاني عبد القادر في الأوبرا؟'.

وطالبت إيناس عز الدين، في منشور آخر المسؤولين في فتح تحقيق عاجل في الواقعة، وكتبت: أطالب بفتح تحقيق عاجل في وزارة الثقافة في واقعة انتحار الزميل بدار الأوبرا المصرية هاني عبد القادر والتي نتجت عن ظلم كبير تعرض له ذكره في ورقة قبل إنهاء حياته، ومعرفة الأسباب ومحاسبة المتسببين حتى لا يكون هناك هاني آخر كل يوم بسبب الظلم.. كلنا هاني عبد القادر'.