تداول رواد موقع التواصل الاجتماعى 'فيسبوك'، صورًا لفتاة تدعى 'شاهندا الجوهرى'، قامت بإعداد مفاجأة جميلة لخطيبها وبصورة مختلفة احتفلت الفتاة بعيد ميلاد زياد أسامة، 'خطيبها' بطريقة مختلفة أدخلت البهجة عليه، فكانت هديتها له عبارة عن دراجة بخارية وقامت بتزيين أحد الأماكن على شاطىء بورسعيد، وأعدت المفاجأة لخطيبها وبمجرد أن نشرت الصور على صفحتها تداولتها المواقع والصفحاتن وإنهالت التعليقات عليها منها السلبى والأكثر منها كان ايجابيا، فمنهم من كتب 'ربنا يخليكوا لبعض ومتنحرموش من بعض أبدًا، ويحفظكم ويحميكم ويبارك فيكم ويبعد عنكم الحاقدين ويتمم لكم على خير'.
بمناسبة عيد ميلاده ..فتاة تداعب خطيبها بهدية على شاطىء بورسعيد
و كتبت لها أخرى، 'ربنا يحميكم من كل عين و يبعد عنكم كل شر'، وعلقت أخرى قائلة: 'ربنا يخليكم لبعض يارب ولا تحطى أي كلام سلبى فى دماغك وكان زى مافيه التعليق السلبى كان فيه الأكتر منه ايجابى وناس نضيفة من جوه الحمدلله'.
بمناسبة عيد ميلاده ..فتاة تداعب خطيبها بهدية على شاطىء بورسعيد
ويبدوا أن التعليقات السلبية أثرت فيها بشكل كبير وتسبب فى مضايقاتها فكتبت على صفحتها الشخصية تقول: 'عشان جه كومنتات كتير جدًا فيها قله زوق من الناس وفي ناس كتير كاتبين إن شاء الله يطلع يستاهل واللي كاتبه إن محدش يستاهل يا جماعه والله أنا مليش دعوه إن اختيارتكو غلط، أنا الحمدلله مختاره حد مفيش زيه ومش شايفه إن ممكن حد يستاهل حاجه أد ما هو يستاهل كل حاجة، انسان فعلا'، وأضافت شاهندا: 'مفيش زيه ولا في حد في كرمه و تربيته وكل حاجه فيه كويسة، ومتبصوش في حياة الناس لأن مش هتشوفو غير الحلو بس أكيد محدش هينزل مشاكلو بس باردو الناس مبيسيبوش حد في حاله والله ركزو انتم في حياتكو'.
بمناسبة عيد ميلاده ..فتاة تداعب خطيبها بهدية على شاطىء بورسعيد
وتابعت شاهندا: 'إن شاء الله تعرفو تختارو أنا شايفه إن اختياري كان أحسن اختيار ربنا يحميهولي من كل عين و يبعد عنه كل شر يارب ونفضل مع بعض طول العمر وربنا يرزقكم باختيار صح يستاهل زي اختياري، ربنا يخليك ليا يا أكتر حد يستاهل كل خير'.
بمناسبة عيد ميلاده ..فتاة تداعب خطيبها بهدية على شاطىء بورسعيد
تابعوا آخر أهل مصر على Google News
