نشرت فتاة تدعى 'أميرة محمد' من محافظة القاهرة، مقطع فيديو عبر صفحتها الشخصية بموقع التواصل الاجتماعي 'فيسبوك'، بعد اكتشافها حقيقة والدها وأمها المزيفين ووجودها على الحياة بشهادتين ميلاد.
وقالت الفتاة: 'أنا اسمي أميرة محمد السيد أحمد سعيد زويل، عندي 22 سنة وعندي مشكله كبيرة جدا، ومحتاجة لها حل، باختصار المشكلة إني أنا عشت عمري كله باسم أميرة محمد السيد أحمد، واكتشفت من سنه بالظبط، إن أبويا مش اسمه محمد السيد أحمد، وإنه ده خالي وإن عمتي اللي هي أخته تبقى أمي أنا، و أبويا واحد تاني خالص واسمه أشرف، وإن مامتي مزوره الورق بتاعي كله'.
و تابعت: 'أنا عندي 2 شهادة ميلاد واحدة باسم خالي، والتانية باسم جدتي و جدي أبو أمي يعني أهل أمي، وما يعرفوش عني حاجة أصلا ومش سائلين فيا، ومعرفش حتى أبويا مين، أنا معرفهوش، فأنا محتاجة حد يقف جنبي يجيب ليا حقي منهم، حد يثبت حقي بعيدا عن إني ارجع واكتب اسمها، أنا مش عايزة إني أنا اتكتب باسمها عشان أنا عندي 22 سنة، وأنا في تانية جامعة، سنتين وهكون اتخرجت، حرام إني أنا أعيد كل ده ثاني بسببها'.
وأوضحت: 'باختصار بردو هي ماكانتش متجوزه بابا، هما غلطوا هما الاثنين وأنا شيلت غلطهم، وياما قلت هرفع قضية، ولما قلت أنا هعمل وأسوي ما فرقش معها ومهمهاش'.
واستكملت: 'طلبت منهم طلبات وقلتلهم مش عايزة أرفع قضية، بس على الأقل هاتولي مكان أعيش فيه، وادفعولي مبلغ كل شهر أعيش به، طبعا ما فيش الكلام ده خالص مافيش خالص قعدو كام شهر بس كده يبعتوا ألف جنيه، وبعد كده مبعتوش أي حاجه تانية خالص وطبعا سايبيني أنا في الشارع، ومش عارفة أعيش أنا في الشارع حرفيا، أنا من عند صاحبتي دي وصاحبتي دي لصاحبتي دي، كل يوم والتاني في بيت شكل، ومش عارفة أروح وآجي أنا مش عارفة أعمل ايه'.
واختتمت حديثها قائلة: 'أنا محتاجة حد كبير مسؤول يشوف موضوع التزوير اللي هما مزورينه ده، وورقي كله مزور شهادتين ميلاد ليا كتير ايه ده؟'.
تابعوا آخر أهل مصر على Google News
