"لو دخلت النار اسألوا ربنا عليّا".. شاب ينتحر ويترك رسالة وداع مؤثرة في الإسكندرية

حالة من الجدل آثارها الشاب 'سامح محمد' بمحافظة الإسكندرية بعد ما أقدم على الانتحار تاركًا رسالة طويلة مؤثرة على صفحته الشخصية على موقع التواصل الاجتماعي 'فيس بوك'، متضمنة نطقه للشهادة ووضع مقطع حول الجدل بشأن كفر المُقْدمِ على الانتحار وخروجه عن الإسلام،

وبدأ سامح رسالته قائلًا: 'ادعوا لي ربنا يسامحني.. مبقتش قادر أستحمل أكتر من كدة وطمعان في مغفرة ربنا ثم دعائكم وشفاعتكم ليا، أنا حاولت أستحمل لأخر لحظة ممكنة وانت عليم بدا فاغفر لي فأنا عبدك الضعيف.. نفسي لو مش هدخل ولو أقل درجة فى الجنة ما أدخلش النار وأوصيكم لو دخلتها تسألوا ربنا عليا بسرعة، لعل بسؤالكم أطلع'.

رسالة شاب الإسكندرية المنتحر

انتحار شاب بعد نشر رسالة مؤثرة على 'فيس بوك' بالإسكندرية

وطالب 'سامح'، أصدقائه بحضور الجنازة وتوجيه الدعاء له وتذكّره دائمًا، مضيفًا: نفسي أي حد زعلته أو قصرت معاه يسامحني ويدعي لي ونفسي لما الإمام يسألكوا قبل صلاتكم عليا 'ما خطبي' أكون فعلا حد كويس وتشهدوا ليا بدا قدام ربنا، وصيتي تحضروا جنازتي ومتنسونيش كل يوم بدعوة ولو كل شهر بـ شِق تمرة صدقة على روحي ومتبطلوش صدقات جارية على روحي ولو بجنيه'.

وأضاف: 'أنا حالة مريض متأخرة ملاقاش معاه غير ضله، ومش مسامح أي حد في اللي حالي دا وصله، المرض بتاعنا آخره موت عشان ملهوش أدوية، مسامح كل الناس، ما عدا 2 دمروا حياتي بكل ما تحمله الكلمة من معاني وظلموني، أنا آسف مقدما لأي حد آذاه الخبر دا بس غصب عني، صبرت على قد ما قدرت، أتمنى تقولوا بخشوع اللهم إني سامحت سامح فيما فعله لي وإني أشهدك على هذا، اللهم اشفع له واعصمه من النار وأدخله الفردوس الأعلى'.

ووجه رسالة لطبيب نفسي قائلا: 'أنت حرام يتقال عليك دكتور، اللي يحكم على الناس من غير ما يسمع لهم ولا يشوفهم حتى اللي يقول لمريضه اللي هو أنا لو عايز تموت نفسك روح، وبيقوله أنت مش مريض نفسي ولا جسدي وفي نفس الوقت كاتبله 7 برشامات فاليوم لمدة 3 شهور تقريبا، شكرا لكل حد ساعدني ولو بكلمة أو بدعوة فسره لأنه فعلا ساعدني أفضل عايش للحظة دي، ومحدش من صحابي يحس بالذنب لأن ملهمش ذنب'.

رسالة الشاب المنتحر

وتابع قائلاً: 'مفيش حد من أصدقائي يحس بالذنب انتوا ملكمش ذنب، مش مسامح أي حد فاللي حالي دا وصله، آخر سطر كان مكتوب انتوا السبب في انتحار واحد زيي عاش مظلوم ويوم ما يموت يموت حرام، أنا آسف لو ضايقت حد بحاجة من اللي فيا، المشكلة إن اللي سمعته مش عبارة عن أغنية، ده أمر واقع هتلاقيه فيها وفيك وفيا'.