تداول عدد من رواد موقع التواصل الاجتماعي 'فيس بوك' واقعة حبس عامل بتهمة سرقة 6 علب تونة من داخل محل بقالة بمدينة قفط، جنوب محافظة قنا، مستنكرين ما فعله صاحب محل البقالة بقيامه بتسليم العامل إلى مركز الشرطة، وتحرير محضر له، ومن ثم حبسه 4 أيام على ذمة التحقيقات.
تونة - أرشيفية
استنكار رواد السوشيال ميديا للواقعة
وقال إبراهيم النابي، من أهالي مركز قفط، في منشور له على موقع التواصل الاجتماعي 'فيس بوك': 'زعلان جدًا على راجل عنده 49 سنة النيابة تأمر بحبسه 4 أيام، بسبب سرقة 6 علب تونة.. والناس اتدخلت في الموضوع وصاحب سوبر الماركت رفض التصالح'.
هيخش السجن عشان ست علب تونة
وأضاف آخر: 'يا اخوانا شوفوا صاحب المحل عايز ايه وندى له.. بلاش يعني أن هو يتحبس.. يعني هيخش السجن عشان خاطر ست علب تونة.. يعني دا يرضي ربنا ده يعني'، وقال ثالث: 'الراجل معذور.. ربنا يكون في عون الناس.. يمكن معاه ولاده صغيرين وجعانين ومفيش عنده اكل فعمل كده.. ربنا يحنن قلب صاحب السوبر ماركت ويتنازل وربنا حيعوضه'.
حرام والله الراجل دا مش حرامي
وعلق رابع قائلًا: 'يا عم اجي ابوس فوق رأس صاحب السوبر ماركت.. لو الفجر اجي من دشنا إلى قفط.. حرام كسرت النفس وقهرت الرجال'، واقترح آخر: 'طيب صاحب السوبر ماركت نرد له الفلوس وبزيادة كمان لو عاوز.. حرام والله الراجل دا مش حرامي لأنه لو حرامي مش هيسرق كام علبة تونة.. اكيد ظروفه المعيشية صعبة ومش لاقي اكل او مش لاقي ياكل أولاده لو معاه لا إله إلا الله'.
تفاصيل الواقعة
كان صاحب محل بقالة ضبط عامل سرق منه 6 علب تونة من المحل الخاص به في مدينة قفط، جنوب محافظة قنا، وقام بتسليمه إلى مركز الشرطة، وحُرر محضر بالواقعة وأخطرت الجهات المختصة لتتولى التحقيقات، والتي أمرت بحبس المتهم 4 أيام على ذمة التحقيقات بتهمة سرقة 6 علب تونة.
تابعوا آخر أهل مصر على Google News
