أخ يقتل شقيقته في سحور رمضان بالمنوفية

لقيت طالبة مصرعها علي يد شقيها فجر اليوم، خامس أيام رمضان، بإحدي قري مركز بركة السبع التابع لمحافظة المنوفية، بسبب تواجد شخص آخر معها.

قتل

شاب يقتل شقيقته في المنوفية

تلقي اللواء حازم سامي، مدير أمن المنوفية، إخطارًا من مأمور مركز بركة السبع يفيد بإقدام أخ علي قتل شقيقته 'م.ن' 20 عامًا فجرًا، بسبب وجود شخص آخر معها.

وبوضع الأكمنة اللازمة الثابته والمتحركة تمكنت مباحث بركة السبع من إلقاء القبض علي الجاني، وتم تحرير المحضر اللازم بالواقعة، وأخطرت النيابة العامة لمباشرة التحقيقات.

أقوال المتهم بقتل ابنته بمساعدة زوجته الثانية بالوراق

وكانت نيابة حوادث شمال الجيزة، قد باشرت أمس الأحد، تحقيقاتها في حادث مقتل طفلة وتعذيبها على يد والدها وزوجته الثانية بمنطقة الوراق، وأمر قاضي المعارضات بتجديد حبس المتهمين، 15 يوما على ذمة التحقيقات.

قال المتهم أمام النيابة: «ولادنا كانوا عايشين معانا، وأنا قلت لمراتي إن مريم بنت مراتي الأولى هتعيش معانا وهي رحبت جدا بيها وكانت بتاخد بالها منها وبترعاها أحسن رعاية وتربية، بس أنا بصراحة ماكنتش طايق بنتي مريم ولا طايق أبص في وشها ودايما بضربها في الرايحة والجاية».

تابع المتهم بقتل ابنته موضحا أنه دائما ما يطلب من الضحية طاعته وتنفيذ أوامره، وأضاف: «كتير قلتلها متفتحيش باب الثلاجة عشان بيعمل ماس وممكن تتكهربي بس كانت بتروح تفتحه برده، مسمعتش الكلام فطلعت من الحمام ومسكتها وفضلت أضرب فيها بالقلام وألطشها وفجأة وأنا بضربها لقيتها منزلة من بوقها حاجة زي رغاوي وريم كده ومن مناخيرها دم ومفيش فيها نفس».

«جريت بيها على الحمام أغسلها وشها وأقولها فوقي مالك»، قال المتهم باكيا أمام المحقق، مختتما: «هي مفيش منها أي استجابة وعملتلها تنفس صناعي في بوقها بس مفيش فايدة».