روت منى شعبان، ابنة مدينة زاوية غزال التابعة لمركز دمنهور بمحافظة البحيرة، والمعروفة إعلاميا بـ'عروس البحيرة'، تفاصيل اتهام زوجها لها في ليلة زفافها بأنها تجمع بين صفتي الذكورة والأنوثة، وأنها في الحقيقة رجل.
زوجة ترد على ادعاء زوجها بانها ذكر
وقالت مني شعبان، خلال لقائها مع 'أهل مصر'، إن زواجها كان زواج صالونات عن طريق عم زوجها، مضيفة: 'اتخطبنا سنتين ويعتبر كان عايش فيهم عندنا وبياكل ويشرب عندنا، كان مش بيشتغل ومش بتاع شغل وأهلي كانوا شايلينه من على الأرض شيل، و إحنا أختين بنات وأسرتي ناس طيبة واعتبروه ابنهم'.
زوجة ترد على ادعاء زوجها بانها ذكر
عروس البحيرة ترد على زوجها
وأضافت الزوجة، أنه لم يكن هناك مشاكل خلال فترة الخطوبة، مضيفة: 'ليلة الدخلة روحنا شقتنا ودخلنا الأوضة أول حاجة قالها لي أنتي كنتي ولد وتحولي إلى بنت، وادعى أنه لا يعرف شيئا، وهو كان يعلم كل شيئ قبلها، وعمل نفسه ميعرفش'.
زوجة ترد على ادعاء زوجها بانها ذكر
وتابعت الزوجة، أنها أجرت عملية وهي في عمر الـ 9 أشهر، بسبب أن والدي ووالدتي أقارب، واتولدت عندي عيب خُلقي ودي حاجة مش بإيدي ـ خلقة ربنا ـ، عيب خلقي خارجي في الأعضاء التناسلية لكن أنا من جوة تمام وكل أعضائي الداخلية أنثوية، وكانت عملية بسيطة إصلاح الأعضاء الخارجية فقط وعملت العملية وأنا طفلة 9 شهور بمستشفى الجامعة الطب بالقاهرة'.
وتابعت الزوجة: 'معايا تقرير الطبي الخاص، بالمستشفى اللي بيثبت إني عملت العملية وكان في التباس في شكل الأعضاء الخارجية، وأنني أنثى كاملةً، واتصدمت صدمة عمري من كلامه في ليلة الدخلة وانهرت مكنتش مصدقة كلامه، لأني لم أكن أعلم بهذا الأمر غير منه وأهلي مكنوش معرفني'.
مكنتش أعرف واتصلت على أهلي أسألهم
وأشارت الزوجة، إلى أنها اتصلت بأهلها لتسألهم عن حقيقة الموضوع، لأنها تبدوا أمام نفسها طبيعية ولا يوجد دليل على ما يقوله، مضيفة: 'فضل يهددني وقالي هدفّع أهلك اللي وراهم واللي قدامهم وهلففهم على دكاترة مصر وهبيعهم اللي حيلتهم وهتجوز أحلى واحدة وهجيبهالك تعيش هنا'.
وأكدت الزوجة، أن زوجها عرضها على طبيب وأبلغته أنه لا يوجد ما يدعو للقلق، وأن العضو التناسلي يحتاج إلى عملية توسيع بسيطة، وهذا الأمر وارد لدى الإناث، مضيفة: 'كل الدكاترة أقنعوه بالتحاليل وأثبتوا إني كاملة الأنوثة ومفيش عندي أي مشكلة وأخلف وأعيش حياتي طبيعية زي أي أنثى'.
وأوضحت الزوجة، أنها أجرت عملية توسيع المهبل في ربع ساعة فقط، مضيفة: 'قعدنا شهر ومارسنا حياتنا الطبيعية وتم الحمل بعدها بشهر واحد، وقعدت حامل 47 يوما، وتعرضت للإجهاض بسبب اعتداؤه عليا بالضرب وسوء معاملة والدته ليّ والضغط النفسي الذي تعرضت له، أنا عشت أسوأ 7 أشهور في حياتي معاه ضرب وإهانة، واتجوز على عفشي وباع نصه ورفض يديني حاجتي'.
ولافتت الزوجة الي ان رجال الدين وكل الناس حكمت إن ليا كامل حاجتي ومستحقاتي، و المحكمة حكمتلي بالنفقة وبكل حاجة ورافض يطلقني علشان ميدفعش حاجة وعايزني أخلعه علشان أتنازله عن كل حاجة، و هو عليه سنتين نفقة متأخرة ومحكوم عليه بالسجن.
وطالبت الزوجة بعرضها على الطب الشرعي لكي يفصل في كل كذبه ويثبت صحة كلامها، معلقة: 'هو اللي هيردلي كرامتي ويرد على ادعاءاته'.
وناشدت الزوجة المسؤولين بالتعجيل بتنفيذ حكم سجنه، بسبب التشهير الذي فعله بها، مضيفة: 'فضحني في بلدي، أنا اتظلمت كتير في حياتي وتعبت وهو دمرلي حياتي وفضحني، ومعنديش أي مشكلة تمنع إني أتجوز وأخلف وأعيش حياتي بشكل طبيعي'.
وأكدت الزوجة، أنه لو كان الأمر كما يقول لما وافق أهلها على زواجها من الأساس خوفا من هذا الأمر، معلقة: 'كانوا رفضوا من البداية جوازي لو كلامه صح، وعاش معايا 7 شهور إزاي وحملت منه إزاي؟، وسابني عايشة معاه إزاي لما أنا راجل زي ما بيقول، والطب الشرعي اللي هيجيبلي حقي، ومش عايزة حاجة من حد وبفوض أمري لله، وثقتي في الله ملهاش حدود وربنا هيجيبلي حقي ودليل على كلامي إني بطالب بعرضي على الطب الشرعي'.
تابعوا آخر أهل مصر على Google News
