حصلت 'أهل مصر' على نص اعترافات عامل خردة، يدعى 'محمود أ.م.أ'، 53 عامًا، يقيم بقرية بنايوس التابعة لمركز الزقازيق، والمتهم بإنهاء حياة زوجته 'فاطمة م.م.ح'، باستخدام مقص حديدي، أثناء سيرهما معًا في الشارع، بقرية كفر عجيبة التابعة لمركز ههيا، يوم 9 يوليو الماضي.
وقال المتهم في اعترافات التفصيلية أمام جهات التحقيق : 'اللي حصل إن أنا تزوجت فاطمة منذ عشرين سنة، وكانت العلاقه بينا كويسة جدا وساعدتني في الشغل بتاعي في الخردة ووقفت جنبي، وأنا مقصرتش معاها خالص، واستمرت الحياة بينا كويسة لحد من ثلاث سنوات سابقة'.
وأضاف: 'هي سابت البيت لوحدها من غير ما أعرف، ومراحتش بيت أهلها، فبدأت أسأل عليها، وعرفت إنها عند وحداة اسمها جميلة، في عزبة الشيخ، وأنا روحتلها هناك، وصالحتها ورجعت معايا'.
المشاكل تضرب الزوجين بسبب الحب والغيرة
وأضاف المتهم في اعترافاته: 'بدأت المشاكل تزيد ما بينا، وأنا بحبها وبغير عليها، وهي عرفت إن حبي لها نقطة، ضعفي فداست على النقطة دي، وبدأت تسلط ولادي من مراتي الأولى، وولادها عليا، وبدأوا يضربوني ويتجازوا معايا، وكل دا حصل بعد وفاة والدي ووالدتي، ومن حوالی عشر شهور، حصل إن ابني أبراهيم عمل مشكلة مع حد صاحب محل ملابس، فهو صاحب المحل جه اشتكالي، فأنا مسكت ابني ضربته، فهي اتخانقت معايا وقالتلي أنت بتضربه ليه، قولتلها إحنا أرزقية، ومش عاوزين نعمل مشاكل عشان محدش يحس بينا فهي، سلطت العيال وقالتلهم اطلعوا على جدكو في كفر عجيبة، وادتهم هدوم خاصة بيها وقالتلهم أنا شويه وهحصلكوا، وبعدين أنا روحت على البيت لقيتها عاملة کوبایتين شاي، إدتني کوبایة شربتها ومحستش بنفسي، ولما صحيت ملقتش حد في البيت، ولقيت ابني من الست الثانية، قالي هي خدت هدومها وركبت التوك توك ومشيت، فأنا ركبت وروحت على قريه كفر عجيبة، لقيت مرات أبوها في البيت بتزق فيا، وبتطردني من البيت، وابني عمار اتهجم عليا وطردني من البيت، وأنا مشيت وروحت، وبعدها بيومين روحت عشان أشوف في إيه اللي مزعلها فلقيت أبوها يقولي دي مش موجوده في البيت راحت عزبة الشوادفي عند بنت أختها'.
وأوضح المتهم بإنهاء حياة زوجته: 'روحت لقيت عمار ابنى هناك وقالي امي مش هنا فضلت ادور عليها ملقتهاش وخدت بعضی وروحت وروحت بعدها كنت بتردد على البيت وهما بقولولي هي مش هنا فانا كلمت جوز بنت اختها بسأله على مراتی قالی دی موجوده عندي هنا فانا روحت على هناك لقيته بيقولها يا ترجعی على بيت جوزك يا تمشى من هنا عشان ولادك بيعملو مشاكل فانا قولتلها تعالى معايا بس هي رفضت فانا قولتلها طالما مش هتيجي معايا روحی علی بیت ابوکی وفعلا راحت بيت ابوها وانا روحت اشوف اي مزعلها وارجعها ثاني لقيت ابوها بقول احنا هنطلق وانا قولتله انا بحب مراتى ومش عاوز غيرها فلقيت مراتى بتقول انا مش بطلق وهفضل على زمتك ليوم الدين بس مش راجعه معاك البيت'.
واستطرد المتهم قائلاً :'فضلت اتردد على البيت ومراتى رفضت لقيتها في اوقات كثير بتبقى مش موجوده في البيت وبتلبس لبس جديد انا مش جبت اللبس ده وتهتم بنفسها وابوها لا حول له ولا قوة والكلام دا استمر لمدة تسعه شهور وامبارح روحت قعدت معاهم في البيت من الساعة 8 صباحا عشان فاطمه ترجع معايا بس هي
رفضت وقالت سبنی براحتی وانا ساعتها روحت اشتريت مقص حديد عشان لو حد اعترضني من دكان في كفر عجيبه ب 20 جنيه ورجعت على البيت ثاني علشان احاول اقنع فاطمه انها ترجع معايا لقيتها قالتلى لما «روق هبقى ارجعلك ومعنتش تزن عليا'.
وأشار قاتل زوجته: وقالتلي تعالى نوصل صبيح عشان في عربيه جدید گارو نروح نشتريها وانا روحت بس العربيه معجبتنيش ومشترتهاش بس الراجل اللي كان مفرجني على العربيه قالي في عربيه ثانيه في العواسجه روح اتفرح عليها بكره قولتله ماشي وبعدين خدت بعضی وروحت فانا النهاردا الصبح اتصلت عليها علشان نشترى العربيه بتاعت العواسجه فلقيتها بتقول هات فطار معاك فانا قولتلها ماشي فاول لما وصلت لقيتها بتقولى تعالى نشتری شويه طلبات علشان الزياره بتاعت عبدالله اخويا فانا روحت معاها واشترينا الطلبات واحنا راجعين لقيتها بتقولى انا هسافر الصعيد ومش راجعه تانی'.
وأردف قائلاً :' قالتلی مزاجی کده قالتلي انا هنا بمزاجي لكن انا عندك ببقى متكتفه وهي بعد لما قالتلي كده حسیت انها هتروح منى روحت مطلع المقص من جيبي اليمين اللي قدام روحت خابطها اول خبطه جت في زورها والخبطه الثانيه
جت في راسها من قدام والخبطه الثالثه جت في راسها من ورا ورميت المقص في سور الجنينه وجريت في الزراعات ووصلت الاسفلت وبعدين ركبت ميكروباص ونزلني في شارع الحمام في الزقازيق وروحت على بنايوس عند اختي و بعدين وانا نازل من عند اختي لقيت في بلوگامین مباحث ومعاه مخبر قالولی اركب ركبت معاهم وخدونی
بعد كده على مركز ههيا وبعدين جيت على النيابه ودا كل اللي حصل'.
تابعوا آخر أهل مصر على Google News
