رصدت عدسة' أهل مصر' اليوم الأحد، شكاوى المواطنين جراء اختفاء السكر من معرض أهلا رمضان في إسنا، جنوب محافظة الأقصر، مع قرب بداية شهر رمضان المبارك.
مسنة تستغيث من اختفاء السكر
وأجرت 'أهل مصر' حوارا مباشرا مع المواطنين والتجار، لمعرفة الأسعار والسلع، حيث أكد المواطنون توافر جميع السلع واللحوم والمنتجات الغذائية، باستثناء السكر، الذي لم يتم توفيره منذ يوم افتتاح المعرض وحتى الآن، سوى مرتين فقط وبكميات قليلة.
وقالت عجوز من داخل المعرض: 'عايزين سكر، حرام كدا، كل يوم نيجي ومنلقيهوش في المعرض، أنا بقيت أحلّي الشاي بالعسل، علشان الكيلو عندنا في المحلات بـ 60 جنيها، وأنا مش باقدر اشتريه بالسعر دا'.
وأعرب مواطن آخر عن غضبه الشديد لعدم توافر السكر داخل المعرض، في ظل قرب شهر رمضان، مضيفا: 'عاوزين سكر، حرام اللي بيحصل دا، وفرولنا السكر اللي بنفطر عليه فى رمضان قبل الأكل، لما بنعمله عصير، هنفطر بإيه السنة دي، الغلابة تعمل إيه وداخل علينا شهر الرحمات والبركات، واحنا شايلين هم السكر اللي كل حاجة بتتعمل بيه في رمضان سواء حلويات أو عصائر'.
أسعار المنتجات بمعرض أهلا رمضان
في الوقت ذاته أوضح أحد التجار أن لتر الزيت الكامل داخل المعرض بـ70 جنيها، والناقص بـ60 جنيها، والأرز يتراوح سعره بين 28 جنيها، و30 جنيها، والفاصوليا بـ65 جنيها، والفول بـ40 جنيها، والعدس بـ65 جنيها، والفول المكسور بـ40 جنيها، والمكرونة بـ20 جنيها، والسمن 2 كجم بـ145 جنيه، والجبنة ربع كجم بـ17 جنيها، وعبور لاند بـ22 جنيها، والملوخية المجمدة بـ10 جنيهات، والجلاش بـ10 جنيهات، وكيلو الوراك المجمد الناقص 80 جنيها، والكامل 100 جنيه، مؤكدا أن جميع السلع داخل المعرض يوجد بها انخفاض عن الأماكن الأخرى بنسبة تتراوح ما بين 15٪ وحتى 25 %.
مواطنة داخل معرض أهلا رمضان
تابعوا آخر أهل مصر على Google News
