يواصل موقع 'أهل مصر' انفراده بنشر نص اعترافات 'أحمد. م. م. ا'، 28 عامًا، مقيم بقرية الجزيرة الخضراء بمركز مطوبس بمحافظة كفر الشيخ، والمتهم بإنهاء حياة زوجته خنقًا على فراش الزوجية، وذلك في القضية رقم 7271 لسنة 2024 جنايات مركز مطوبس والمقيدة برقم 799 لسنة 2024 كلي كفر الشيخ.
اعترافات المتهم بقتل زوجته خنقًا بكفر الشيخ
وقال المتهم في اعترافاته أمام جهات التحقيق: 'كنت بتعب لما أشتغل بره وأكل أو أشرب من بره، وكنت بشك إن الناس بتحط لي حاجة علشان يخلصوا مني بس كان ربنا بيستر، وقولت أنا مش هاكل بره خالص وهاكل في البيت علشان متعبش بس لما أنا كنت باكل في البيت كنت بحس بتعب وبحس إن مراتي بتحط لي حاجة في الأكل وروحت كشفت عند الدكتور وقالي عندك مشكلة في القلب وعضلة القلب ضعيفة، وكان قايل لي على أشعة أعملها على عضلة القلب بس الأشعة دي كانت مكلفة حوالي ألفين جنيه، ومكنش معايا فلوس وقتها أعملها'.
صورة تعبيرية
وأكمل: 'لما سألت عن سبب التعب ده الدكتور قال لي إنه ممكن يكون بسبب أدوية هي اللي بتعمل كدا، وأنا قولت للدكتور مش باخد أي أدوية فقال لي ممكن يكون حد بيحط لك الأدوية دي في الأكل وأنا ساعتها مكنتش بأكل غير في البيت ومفيش غير مراتي هي اللي ممكن تكون بتعمل كدا، ولما واجهتها بالموضوع ده أنكرت كالعادة، وأنا اتعصبت عليها طبعًا وغضبتها عند أهلها وبعدين أنا فكرت أريح نفسي من المشاكل والمواضيع دي كلها وأحضر ورقي علشان أسافر بره وأبعد من المشاكل دي كلها بس اللي منعني إني مكونتش كتبت رسمي علي مراتي ومكنتش سجلت عيالي فقولت أستنى لحد ما أكتب رسمي على مراتي وأسجل العيال باسمي وبعد كدا أبقى أسافر، وبعدين مراتي لما عرفت الموضوع ده قعدت تقول لي أني مسافرش وإنها متعرفش تعيش من غيري'.
إيداع المتهم بإنهاء حياة زوجته خنقًا بكفر الشيخ مستشفى الأمراض النفسية والعصبية
وقررت محكمة جنايات فوه، الدائرة الأولى، اليوم الأربعاء، إيداع المتهم بإنهاء حياة زوجته خنقًا داخل منزل الزوجية بقرية الجزيرة الخضراء التابعة لمركز مطوبس بمحافظة كفر الشيخ شهر يناير الماضي، مستشفى الأمراض النفسية والعصبية بالعباسية لمدة 45 يوما، وتكليف الأطباء المختصين بتقديم تقرير مفصل عن حالته النفسية والعصبية لبيان مدى سلامة قواه العقلية والعصبية، على أن يعرض التقرير على المحكمة في جلستها المنعقدة بدور المحكمة المنعقد في شهر ديسمبر المقبل.
صدر الحكم برئاسة المستشار خالد قطب بدر الدين، رئيس المحكمة والدائرة، وعضوية المستشارين محمد مبروك عبد العاطي، وأحمد مصطفى قنديل، وسكرتارية أحمد الميداني.
تفاصيل الإحالة
تفاصيل القضية رقم 7271 لسنة 2024 جنايات مركز مطوبس، والمقيدة برقم 799 لسنة 2024 كلي كفر الشيخ تعود عندما أحال المحام العام لنيابة كفر الشيخ الكلية، المدعو 'أحمد. م. م. ا'، 28 عامًا، عامل عادي، مقيم قرية الجزيرة الخضراء بمركز مطوبس بمحافظة كفر الشيخ، لمحكمة جنايات فوه؛ لمحاكمته على خلفية الاتهام المنسوب له بقتل زوجته.
وتبين من أمر الإحالة أن المتهم في يوم 28-1-2024 بدائرة مركز مطوبس بمحافظة كفر الشيخ، قتل عمدًا زوجته المجني عليها 'صفاء.
س. ي. ع. أ'، مع سبق الإصرار من أنه على أثر خلافات زوجية جمعت فيما بينهما بيَّت النية وعقد العزم على إزهاق روحها وحال تواجده رفقتها بغرفة نومهما انتهز فرصة نومها وأحكم قبضته على عنقها خانقًا إياها محدثًا إصابتها التي أودت بحياتها.
تابعوا آخر أهل مصر على Google News
