وقعت صباح اليوم الأحد جريمة قتل مروعة راح ضحيتها شاب يدعى بطرس عبد الملاك، والذي عُثر على جثمانه داخل شقته بشارع الأمير لؤلؤ بمنطقة الورديان في الإسكندرية.
وتلقت الأجهزة الأمنية إخطارًا بالعثور على جثمان شاب مقتولاً داخل شقته، والتي توجهت على الفور إلى موقع البلاغ لمعاينة الجثمان والوقوف على أسباب الحادث.
قالت إحدى أقارب الشاب المتوفى: "ده قريبنا وده محترم أوي ومالوش دعوة بحد وفي حاله.. فيه إيه اللي بيحصل في الدنيا، ربنا يؤذي المؤذي، ربنا يصبر أمه وإخوته"، مشيرة إلى أنه لم يتم التوصل حتى الآن لمرتكبي الجريمة.
وقال أحد جيران المتوفى: "الله يرحمك يا بطرس يا محترم وينتقم من اللي عمل فيك كده" وأضاف آخر: " انا جانب بيت والدته، انا معرفهوش شخصيًا لكن الناس كلها بتشكر في أخلاقه ربنا ينتقم من كل مؤذي"، فيما قال ثالث:"البقاء لله ربنا يصبر الست مراته بأمر الله بأمر الله التلاتة دول هيتجابو بأمر الله".
وأضاف شاهد آخر: "الاس قالوا سمعنا صوت خناق عندهم ومحدش يعرف حاجة لسه"، فيما استطرد آخر قائلاً: " أيوة والله.. محترم وفي حاله، ربنا ينتقم من اللي عمل كده".
وتابع أحد الشهود: "ده جارنا ورجل محترم أوي والله، ربنا يرحمك ويصبر أمك واخوتك"، ودعت أخرى: "الله يرحمه ويعزيكم ويصبركم ويصبر أمه واخوته ويعرفوا مين اللي عمل فيه كده، رجل غلبان وفي حاله، ربنا يظهر اللي حصل".
ووصفته أخرى بأنه: "كان من أحسن الناس أخلاق واحترام، ربنا يرحمه وينتقم من اللي عمل فيه كده، لا حول ولا قوة إلا بالله العلي العظيم" فيما قال شاهد آخر: "شاب مسيحي مش متذكر اسمه لكن عارفه شكلاً وكان حد محترم جدًا، ربنا يرحمه".
وتعجبت أخرى متسائلة: "ناس كتير بتشكر في أخلاقه، أومال إيه اللي يوصلها للقتل؟" ووصف آخر المشهد بـ: المنظركان فظيع الصبح فعلاً"، كما دعا شاهد آخر: "حسبي الله ونعم الوكيل والله من أطيب خلق الله، الله يصبر أهله وينتقم من اللي عمل كده أو كان السبب".
تابعوا آخر أهل مصر على Google News
