قدّم المرشح محمد سليمان سيد يوسف طعنًا رسميًا أمام المحكمة الإدارية العليا على قرارات الهيئة الوطنية للانتخابات الخاصة بنتائج الجولة الأولى بالدائرة الأولى بالإسماعيلية، واللي انتهت بإعادة الانتخابات بين المرشح رقم (3) والمرشح رقم (10).
سليمان قال في طعنه إن فيه «مخالفات جسيمة» أثرت على نزاهة العملية الانتخابية وتكافؤ الفرص، وطالب بإعادة الانتخابات بين جميع المرشحين داخل الدائرة.
واللي يعرف محمد سليمان يعرف كويس إنه واحد من الناس وللناس.. عمره ما اعتمد غير على صوتهم وثقتهم فيه، ووصوله كان دايمًا بفضل دعم الأهالي اللي شايفين فيه خير وقدرة على خدمة بلدهم بضمير.
التحرك ده جاي بعد تصريحات الرئيس عبدالفتاح السيسي إن البرلمان الجاي لازم يكون بإرادة الناخبين الحقيقية، وهو ما اعتبره سليمان دعم مباشر لضرورة حماية الشفافية داخل كل دائرة.
المحكمة الإدارية العليا هتنظر الطعن الأسبوع الجاي.. وترقب كبير من أهالي الدائرة الأولى بالإسماعيلية للحكم اللي ممكن يغيّر شكل المنافسة بالكامل.
تابعوا آخر أهل مصر على Google News
