اللاعب عبدالله حسونة لـ"أهل مصر": الحركة اللي عملت تريند كانت متخطط لها من زمان | خاص

كشف المصارع المصري الصاعد عبد الله حسونة ابن محافظة الإسماعيلية كواليس تألقه اللافت خلال بطولة إفريقيا للمصارعة التي أقيمت في الإسكندرية، مؤكدًا أن لحظة تتويجه بالميدالية الذهبية كانت تتويجًا لمجهود طويل من التدريب والتركيز.

المصارع عبدالله حسونة إبن الإسماعيلية

قال حسونة في تصريحات خاصة لموقع 'أهل مصر'أنا سعيد جدًا بالبطولة والميدالية، والحمد لله قدرت أقدم مستوى يليق باسم مصر، خاصة إن المنافسة كانت قوية جدًا في النهائي قدام بطل تونس.'

وأضاف حسونة : 'الحركة اللي الناس اتكلمت عنها واتشهرت على السوشيال ميديا، أنا متمرن عليها كتير قبل البطولة، وكنا محضرينها مع الكابتن، والحمد لله نفذتها في الوقت المناسب وقدرت أغير بيها مجرى المباراة.'

وتابع: 'مكنتش متوقع خالص إن الفيديو ينتشر بالشكل ده، أنا رجعت البيت وكل الناس بتكلمني عليه، حتى زمايلي الأجانب كانوا بيتكلموا عن اللقطة، ولما شوفته حسيت قد إيه التعب كان له نتيجة.'

المصارع عبدالله حسونة إبن الإسماعيلية

وأشار حسونة إلى أن البطولة تمثل خطوة مهمة في مشواره، قائلًا: 'دي تاني مشاركة دولية ليا بعد بطولة إبراهيم مصطفى، وبتعلم من كل تجربة، وهدفي الجاي إني أحقق بطولات أكبر وأفضل وأوصل لبطولات عالمية.'

واختتم تصريحاته قائلًا: 'بشكر كل اللي دعمني ووقف جنبي، وإن شاء الله الجاي أفضل، وهدفي دايمًا إني أرفع علم مصر في كل بطولة أشارك فيها.'