شهدت محاكم الأسرة العديد من قضايا الخلع والطلاق وغيرها خلال هذا الأسبوع، باختلاف الأسباب والدوافع، أبطال هذه القصص أشخاص عاديون، ولكن كتب لهم القدر أن تسجل أسماؤهم فى سجلات القضاء.
وترصد 'أهل مصر' أغرب القضايا التى طرأت على محكمة الأسرة هذا الأسبوع.
هبة تطلب الخلع: 'جاب عاهرة البيت عشان يستمتع بجنس جماعي'
'إنسان غير سوى اتفاجت لما لقيته جايب ست عاهرة البيت بلبسها المقزز، ولما سألته إيه اللى جايب دى هنا لقيته بيقول لى هنام معاكم انتوا الاتنين، وفعلا حاول يعمل كدا، لحد ما صرخت فى وشه وسبت البيت يشبع بيه هو والعاهرة بتاعته'.. جاءت هذه الكلمات على لسان هبة، وهى داخل محكمة الأسرة لرفع دعوى خلع من زوجها بعد عام واحد فقط من الزواج مبررة استحالة العشرة معه.
سعيدة لقاضي الأسرة: 'ساب أصحابه يتحرشوا بيا وقال لي هيدفعوا قرشين حلوين'
المخدرات والنسوان أكلت دماغه لدرجة أنه يفرط فى شرفه وعرضه، وعرض عليا أمشي فى الغلط، عشان أجيب فلوس يصرف منها، وبدأ يجيب أصحابه للبيبت ويجبرنى أخرج أقعد معاهم، وكان بيشوف أصحابه بيتحرشوا بيا وهو موجود وعادى ولو زعقت لأصحابه يقوم يضربنى، وأطلب أنه يطلقنى يذلنى ويقول لى هسيبك زى البيت الوقف'.. كلمات موجعة نطقت بها سعيدة وهى داخل محكمة الأسرةلرفع دعوى الخلع من زوجها بعد 11 شهرا من الجحيم تذوقتها مع زوجها الذى لا يوجد لديه أى شيء من الرجولة على حد قولها.
أسماء تطلب الخلع: بيعاملنى كويس عشان خايف من أهله
خوفه من أهله بيجبره إنه يعاملنى كويس أو بشكل رسمى عشان المظهر العام، لكن بينى وبينه مبيقولش كلمة حلوة دايما ساكت وسرحان، عمره ما قالى بحبك زى أى واحد ومراته، لحد ما بقيت أحس إنى مدفونة بالحياة'، جاءت هذه الكلمات على لسان أسماء وهى داخل محكمة الأسرة لرفع دعوى خلع من زوجها بعد عام واحد فقط من الزواج مبررة استحالة العشرة معه.
'هند' تطلب الخلع: 'بيقولي اعملي رجيم عشان أوفر في الأكل '
جوزي بيبص في اللقمة اللي باكلها على الرغم إنى بشتغل وبشارك فى مصاريف البيت، ولو اشتريت حاجة لنفسي من فلوسي يقول لي إنتي مسرفه ومش بتعرفي تشيلي قرش، لدرجة إنه دلوقتي كل ما يشوفي باكل حاجة يفضل يقول لي خسي شوية وبطلي أكل وفري شوية اعملى ريجيم'، جاءت هذه الكلمات على لسان هند وهي داخل محكمة الأسرة لرفع دعوى خلع من زوجها بعد 3 سنوات من الزواج.
'علا تطلب الخلع: 'أمه بتنام وسطينا على السرير وبتحضن جوزي'
تقدمت 'علا' بدعوى قضائية أمام محكمة الأسرة لرفع دعوى خلع من زوجها بعد عامين و7 أشهر زواج بعد أن أصبحت لا تحتمل العيش معه بهذا الشكل مبررة ذلك بقولها 'بجد أنا تعبت بقالي ٧ شهور مش عارفة أنام جنب جوزي براحتي، من أول ما والده اتوفى ووالدته جات تقعد معانا عشان بتخاف من الوحدة، أنا معنديش اعتراض إنها تقعد معانا لكن أنا معترضة إنها بتنام جنبنا على السرير وبتحضن ابنها، وأولع أنا مش مهم، ولما طلبت من جوزي إنه يطلب منها تنام مع العيال على السرير، اعترض وعمل مشكلة لدرجة إنه غلط فيا'.
تابعوا آخر أهل مصر على Google News
