شادي محمد يهاجم جمال العدل بسبب الأهلي

شن شادي محمد نجم الأهلي السابق، هجومَا عنيفًا على المنتج السينمائي جمال العدل المعروف بانتمائه لنادي الزمالك.

وكتب شادي محمد على صفحته الشخصية على موقع التواصل الاجتماعي "فيسبوك": "جمال العدل مثال حي على كراهية الأهلي ونجومه، وهلخص كل اللي بيقوله في سطرين".

وأضاف: "قالك بسبب محاربة الأهرام لم أستطع إنشاء قناة، طيب ما مرسي عطاالله كان موجود ماعملتش 20 قناة ليه؟ وبعدين المشجع أو الداعم يعمل ويسكت ومايعملش أنه بيحرر النادي من الإنجليز وبعدين كنت نجحت تجربة دكتور مدحت العظيمة في الإعلام مش كده ولا إيه؟".

وتابع: "قالك مين اللي محمود الخطيب أسطورة؟ هقولك اسأل مين، قالك بطولات الزمالك أكتر من بطولات الأهلى في السنين اللي فاتت فعلاً محتاج تتفرج على فيلم زهايمر، قالك شادي محمد بيقول جمهور الأهلي 70 أو 80 مليون، أقولك في حقبة زمنية كبيرة كان ليس لك تواجد وفي مباريات ديربي عمري ماشوفت جمهورك أكتر أو أكبر، ولو أنت كنت بتروح ستاد يبقى أكيد كنت بتروح من الشوط الأول".

واختتم تصريحاته: "أخيرا سنظل أوفياء في الكذب والتضليل والعبث بالتاريخ، ومثلك الأعلى السب والقصف والخوض في الأعراض وسلملي على الدكتور مدحت والتريند لا للتعصب".