ميدو ردا على شيكابالا: "أسهل حاجة إننا نضحك الناس علينا"

رد أحمد حسام ميدو لاعب الزمالك السابق، على محمود شيكابالا قائد الفريق الحالي، بعد تغريدته بالأمس على موقع التواصل الاجتماعي 'تويتر'.

وقال 'ميدو' من خلال فيديو له عبر حسابه بموقع التواصل الاجتماعي 'تويتر': 'عمري ما هرد على الكلام اللي قاله شيكابالا، عمري في حياتي حد دخل بيتي أو أنا دخلت بيت حد وأكلت معاه عيش وملح وهو زي أخويا الصغير وهرد عليه وهنضحك الناس علينا، أسهل حاجة إني أرد وأضحك الناس علينا'.

وأضاف: 'أنا كنت بنتقد تصرف عام بقول مينفعش نعمل كدة، وإحنا كسبانين وبقول إننا كنا صغيرين ودلوقتي كبرنا ومفيش مثالية، ولكن ده جزء من شغلنا لأننا بنوصل رسالة للاعبين الصغيرين، وأنا عمري ما هرد هو أخويا الصغير وما زال أخويا الصغير، أسهل حاجة في الدنيا إننا نطلع نردح لبعض ونرد على بعض ولكن الأصل بتقول إن مينفعش نضحك الناس علينا'.

وكان شيكابالا كتب على صفحته الرسمية تغريدة شكلنا هنشوف صورة تاني في الجونة، والذي أثارت الجدل، خاصة بعد أن قام ميدو الهجوم على شيكابالا ولاعبي الزمالك بعد سبهم لجمهور الأهلي عقب الفوز على الإنتاج الحربي بهدفين.