عمارة: هناك تحامل على الحضري.. لو الشناوي جاهز 60% يلعب وأبو جبل وبسام في نفس مستواه

علق محمد عمارة نجم منتخب مصر السابق على فوز الفراعنة بثلاثية نظيفة على المنتخب الليبي في الجولة الرابعة من التصفيات الإفريقية المؤهلة لكأس العالم.

وقال عمارة في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد " واضح ان المدير الفني فارض شخصيته على اللاعبين وتدحيدًا خط الدفاع هم الأنسب، كنا بنعاني من الأطراف وحاليًا بنتحسن".

وتابع " بصمة الراجل بتظهر مرة في مرة، الدوري محتاج يشتغل بانتظام وباريحية، الراجل ده هيبني منتخب كويس".

وأضاف "مش عاوز الناس تبقى متحاملة على عصام الحضري، في بداية مشواره مع التدريب، يمكن الإشارة بتاعة الشناوي انه كان عاوز يكمل وكان حريص انه يبقى منظم".

وواصل "لو الشناوي 60% سليم هغامر وهلاعبه، في رأيي إن أبو جبل ومحمد بسام لا يقلون عن محمد الشناوي".

وأردف عمارة "ممكن يكون الشناوي اتسائل وقال اقدر العب مش عايزين نظلم الحضري، الحضري عاوز ينجح هيكون عاوز يلاعب الأنسب، هو مش ينافس الشناوي، الناس متحاملة على الحضري".