هاجم مرتضى منصور رئيس نادي الزمالك، أحمد حسام ميدو نجم الفريق السابق، قائلا: 'والنبي يا أستاذ ميدو أنا عايز أسألك أنت بالذات، هو مرتضى منصور مش رمز للنادي ولا هو شغال ايه؟.. مش أنت اللي طلعت في برنامجك وقولت يستاهل اللي بيحصله عشان اتخانق مع النادي الأهلي واللجنة الأولمبية'.
وأضاف منصور خلال حديثه مع أعضاء الجميعة العمومية في حضور مجلس الإدارة كاملا: 'مش دا أيمن يونس وفاروق جعفر وحسين السيد اللي مشيوا من اللجنة ولا ناس تانية.. قولي حسن شحاتة سأل عليا امتا طول السنة اللي فاتت'.
وتابع منصور: 'الرموز لما تحترم نفسها هنشلها فوق دماغنا، الرموز للأسف ماتوا واللي مماتش عيان'.
ووصل منذ قليل مرتضى منصور رئيس مجلس إدارة نادي الزمالك إلى مقر القلعة البيضاء، لمباشرة عمل المجلس بعد قرارة عودته وإنهاء عمل الجنة المؤقتة.
وشهد وصول مرتضى إلى مقر نادي الزمالك استقبالا حافلا من أعضاء الجمعية العمومية والفرق الرياضية بالنادي والسيدات التي هتفت «العو أهو» و«الأسد أهو» وسط «الزغاريد».
تابعوا آخر أهل مصر على Google News
