بعد الصليبي.. ناشئ الإسماعيلي ينتظر وعود الإدارة: بمشي بعكاز

ينتظر مهند محمد ناشئ نادي الإسماعيلي الوعود التي تلقاها من بعض أعضاء مجلس إدارة الدراويش بحل مشكلته، حيث تلقى اللاعب اتصالات من الإدارة فور نشره استغاثة عبر حسابه على فيس بوك تفيد بأن النادى سوف يصرف له شيكا بـ 20 ألف جنيه لإجراء جراحة الرباط الصليبى الثلاثاء المقبل، ويعد مهند من النجوم البارزه في قطاع الناشئين بالنادي الإسماعيلي وهو من مواليد 2001.

اتنين دوري منطقة وقطاعات

وكتب مهند عبر حسابه بموقل التواصل الاجتماعي 'فيس بوك' الآتي، 'اسمي مهند محمد علي لاعب في الإسماعيلي فريق 2001 وبلعب في الإسماعيلي وانا عندي 7 سنين وواخد اتنين دوري منطقة وقطاعات مع الإسماعيلي، ووالدي متوفي من خمس سنين بشتغل وبصرف على نفسي من اربع سنين وبروح النادي وفي تالته كلية تجارة وكنت مع النادي كان عندنا ماتش في الدوري مع الزمالك واتصابت برباط صليبي من شهر ونص وأكتر'.

الامتحانات بروحها بعكاز

وأضاف مهند محمد، 'انا دلوقتي مش عارف اروح الشغل ولا اروح التمرين ولا أمارس حياتي حتي الامتحانات بروحها بعكاز انا مش عارف اعمل ايه انا بناشد البشمهندس يحيى الكومي أنه يصرفلي شيك العملية اللي هو أقل حقوقي، مفيش حد بيتواصل معايا من النادي وكلمت كذا مسؤول بيقولوا هنعمل ومفيش حاجه بتحصل، انا المفروض ابن النادى، لو حد مكاني هيعمل ايه؟ شكرا'.