مرتضى منصور يكشف.. حقيقة رحيل فيريرا وموقفه من تقسيط غرامة كهربا (فيديو)

تحدث مرتضى منصور، رئيس نادي الزمالك، عن موقفه من غرامة محمود كهربا واعتراض لاعبي الأهلي على حكم مباراة المصري في الدوري الممتاز.

وقال مرتضى منصور، خلال فيديو نشره عبر قناته الرسمية على «يوتيوب»: «لاعبو الأهلي راحو اعترضوا على الحكم ومش عاجبهم إنهم واخدين إنذار، وييجي عيل اسمه مصطفى شوبير يقول أصل عادي، ما هو أنت وأبوك كل حاجة عندكم عادي».

وأضاف مرتضى منصور: «الحكم مخافش من سيد عبد الحفيظ الإخواني، وبكررها الإخواني، عشان كده ماعجبش الأهلي، أنا التحكيم خسرني كذا نقطة، إنما أنت مخسرتش ولا نقطة إلا بسبب تقصير لاعبيتك».

مرتضى منصور: مكافحة المنشطات سحبت العينات من فتوح وجمعة

وتابع مرتضى منصور: «منظمة مكافحة المنشطات جت وسحبت العينات من فتوح وعبد الله جمع، معنديش حاجة أخاف عليها، اللاعبين اللي عندي محترمين ومش لاعيبة في أندية منافسة محدش بيتكلم معاهم».

رئيس الزمالك: هذا شرطي لتقسيط غرامة كهربا

وواصل مرتضى منصور، متحدثًا عن غرامة كهربا: «بص يا كهربا يا ابني تاني بكررها هقسط لك الغرامة، لكن عندي شرط، إنك تعمل فيديو تقول فيه عن اللي حرضك، وساعتها هخليك تدفع الغرامة بالتقسيط المريح».

واسترسل رئيس الزمالك: «الأسطورة مش محمي برا مصر، هنا اها محمي من حد أنا عارفه كويس، ولو مبطلش هقول اسمه، وأديك شفت عبد الله السعيد عمل فيه ايه».

وعن رحيل جوسفالدو فيريرا، مدرب الزمالك، قال مرتضى منصور: «الناس عمالين يتكلموا عن رحيل فيريرا، هو أنا مجنون عشان أمشي مدرب وأنا عندي ماتش بيراميدز وبعده الأهلي».

واختتم مرتضى منصور: «فيريرا مكمل مع الزمالك لحد نهاية الموسم، ومفيش أي كلام عن رحيله».