كشف الناقد الرياضي عصام شلتوت، تفاصيل بدايته الرياضية، بجانب الكشف عن رأيه في الأكاديميات الرياضية، وتفاصيل مشروعه الذي سبق وأن قدمه لرئيس الوزراء السابق هشام إسماعيل.
وقال في حواره مع الفنانة انتصار وبدرية طلبة ونوليا، في برنامجهم من غير 'نفسنة' المذاع عبر شاشة قناة “هي”، عن سبب عدم دخوله الوسط الفني، قائلًا: «محدش خد بـ إيدي والله مع إن أصحابي كتير».
عصام شلتوت: مسئولين الكرة الفاسدين سايبين الرعاة يعملوا نوادي
وأضاف: «أنا مقدرش أبعد عن الرياضة لأن أنا لعبت كورة في زمن كان لعب الكورة من ورا العائلة، ولعبت شوية في نادي المقاولون واختارت التدريب الصباحي علشان مروحش المدرسة وأروح التمرين، لأن والدي توفى وجدي كان راجل عمدة هو اللي رباني، ولو كان عرف إني لعبت كورة كان ممكن يطردني أنا وأمي من البيت لأن الكورة دي وراها إيه هتجبلك إيه؟».
وتابع: «النهارده محمد صلاح ما شاء الله ربنا يحميه، وعلى فكرة إحنا مهيئين إن يكون عندنا 10 آلاف محمد صلاح على الأقل، وفي مواهب في كل حتة مش الأرياف بس، وهنا عاملين أكاديميات ويجيبوا حمادة وتوتو يتدربوا ودول اللي أهلهم موافقين يبقوا كده بدل ما يشربوا سجائر».
عصام شلتوت يهاجم الأكاديميات الرياضية التي تتقاضى أجرًا لتدريب الأطفال
وانتقد عصام شلتوت تقاضي الأكاديميات الرياضية أجرًا لتدريب الأطفال، قائلًا: «مفيش أكاديمية في الدول المتقدمة بتاخد أجر على التدريب، بالعكس الدول اللي بتدفع للأكاديميات لرفع كفاءة ثقافة الولد قبل فنياته، لأنهم بيبقوا متعاقدين مع والده أن أول قطفة ليهم، عندنا عاكسين الموضوع، من أول الست الطيبة أم مجدي في أي منطقة شعبية يا عيني تبيع حلتين وتدفع لكابتن حنكش يجيب ميكروباص وابنها يروح، والله يرحمه طلعت زكريات لعب الموضوع ده في فيلمه».
عصام شلتوت: الرعاة اللي المفروض يدعموا الكورة بيلعبوها
واستكمل: «دايما نلاقي المكالمات ابني أحسن ولد بس الراجل مشفهوش كويس، بالإضافة أن الرعاة اللي المفروض يدعموا الكورة بيلعبوها، ومفيش عندهم جمهور ولا حد يشتري التذاكر، ومسئولين الكورة الفاسدين سامحين ليهم بـ ده».
وأضاف: «الرعاة إداريًا شاطرين جدًا وعملوا منشأت من 30 سنة انقذت الكرة المصرية، مكنش وقتها مسئولين الرياضة بيعملوا ستادات ولا حاجة، بس الفكرة هنا أنت ليه تلعب بعد 10 سنين؟ أنت محتاج تعرض بضاعتك عند نادي شعبي عنده جمهور».
وتابع كاشفًا تفاصيل تقدمه بمشروع لرئيس الوزراء السابق، هشام إسماعيل: «أنا قدمت لدولة رئيس الوزراء شريف إسماعيل رحمة الله عليه، مشروع، الكورة لو عدلت هيبقى في مصحلة للاقتصاد، والمشروع ده يدر على الدولة 27% من احتياجها للنقد الأجنبي، للخروج أكتر من محمد صلاح».
تابعوا آخر أهل مصر على Google News
