كهربا يكشف سبب خوفه من «كلب» رامز جلال ويوضح سبب أزمته مع مهيب عبدالهادي

علق محمود كهربا، لاعب النادي الأهلي ، على غضبه من رامز جلال خلال استضافته مع عبد الله السعيد الأيام الماضية.

وقال كهربا خلال استضافته ببرنامج 'أسرار' مع الإعلامية أميرة بدر المذاع على قناة النهار: 'شديت انا ومهيب عبد الهادي عشان حوار رامز، وكان الموضوع تقيل عليا وانا معرفش ان فيه مقلب، وكنت رايح البرنامج انه عادي وانا منبه، واتخبط في أيدي، فالاول كنت متضايق وبعدين قلت الحلقة مش عجباني أنه يحصل فيها كده'.

كهربا: لساني أعمى وإيدي طويلة

وأضاف: 'مفيش حد يعرف يهيني، ورامز اخويا وحبيبي، ورفضت اقفل الحلقة عشان مكنتش شايف قدامي، وانا ساعتها مكنتش حاسس لاني بخاف من الكلاب جدًا، بسبب انهم ممكن بيطلوني لعب كورة، ولو رامز كان نزلي كنت هاخد حقي منه، واتكلمنا بعدها وصالحني، وكل مرة ببقى رايح مببقاش عارف انه فيه مقلب، رايح على اساس انه برنامج له علاقة بالكورة، وأنا غضبان بيبقى لساني أعمى وايديا كمان'.