نجيب ساويرس حبيبي.. «كهربا» يكشف تفاصيل سداد غرامة الزمالك

علق محمود كهربا لاعب النادي الأهلي، على سداد الغرامة الموقعة عليه لصالح نادي الزمالك بقرار من الاتحاد الدولي لكرة القدم فيفا.

وخلال تصريحات ببرنامج 'أسرار' قال 'كهربا': 'موضوع الغرامة كنت هطول فيه شوية وأقعد سنتين تاني وكابتن حسين لبيب شخصية محترمة وقربنا المسافات وربنا سدد في الوقت المناسب'.

وأكمل 'كهربا': 'إحنا كرجالة بنعرف نجيب فلوس، وقلت أشتري نفسي ومكنتش هدفع وأكمل كورة كده، والموضوع يطول في المحكمة شوية وبعدها أعتزل، عشان الموضوع أنا مظلوم فيه، ومش حق حد عندي، وفيه ناس ساعدتني في الغرامة لأن الناس بتحب الأهلي أوي وبيحبوا كهربا أوي، لأني بطبيعتي وراضي'.

وواصل 'كهربا': 'نجيب ساويرس حبيبي، ومش لازم الناس كلها تعرف، ودفعت 70%، وربنا هيكرم تاني، وموجعتنيش الغرامة، وهما 76 مليون أصلا، واللي كان بيتكلم عليا كان برنامجه مبني على كهربا عشان يطلع بس مش أكتر'.