عدد أحمد زاهر المدير الإداري لنادي بيراميدز المعوقات التي واجهت الفريق السماوي، خلال مشواره للمنافسة مع الأهلي على التتويج ببطولة الدوري المصري.
وكتب زاهر عبر حسابه الشخصي على 'فيس بوك':'والله أبطال إن إحنا بننافس'.
وأضاف:'يقوللنا ألعبوا من غير الشيبى ده موقوف .. حاضر، البعب من غير رمضان صبحى وهو فى أعلى فورمه وكان رايح منتخب بحجة منشطات وهمية .. حاضر'.
وأكمل:'إبراهيم عادل واحد من أحسن اللاعيبة في مصر هيلعب معاك وبعدها يسافر .. لا معلش ده مصاب يوم ١٢ ويلعب مع المنتخب ١٤ سبحان الله مع إن حقى إنه ميروحش خالص .. بس برضه حاضر'.
وأوضح:'أكتر حاجة مضحكانى فى موضوع إبراهيم عادل تصريحات عضو مجلس الجبلاية إن اتفاق لعب إبراهيم عادل اللى هو حقى أصلا وممكن ما يسافرش عادي بقرار مني كان بعلم المنافس طب هو ماله بالموضوع أصلا'.
واستكمل:'إعادة شوط سموحة مع إن اللائحة واضحة وبتقول المباراة تحتسب لبيراميدز .. بس برضه تاني حاضر'.
وواصل:'أول فريق يلعب بعد التوقف الدولى بيومين مع إن عنده نص الفريق مع المنتخبات في مخالفة صريحة للائحة .. حاضر '.
واستطرد:'انت لازم تلعب الساعة ٤ وبعدها ٥ ونص في عز الحر مع إني بنافس ، بس المنافس يلعب عادي بالليل .. حاضر '.
وعدد:'معلش أصل حكم مباراة المقاولون المفروض ميحكمش.. كارت معاهم لوقت اللزوم نطلعه'.
وأكمل:'ظلم واضح من حكام مباراتين الدوري .. ويقولك الدورى ذهب لمن يستحق'.
وأتم:'ناس في الرابطة واتحاد الكرة طلعوا يهاجموا النادي لمجرد إنه بيدور على حقوقه وتقولي منافسة … إحنا أبطال والله'.
تابعوا آخر أهل مصر على Google News
