هو إحنا فلوسنا كتير كده ؟.. شوبير يعلق على إيقاف قيد الزمالك بسبب أتشمبونج

علق الإعلامي، أحمد شوبير على أزمة إيقاف القيد بسبب مستحقات الغاني أتشيمبونج لاعب الفريق السابق'.

قال أحمد شوبير في تصريحاته التلفزيونية:«الزمالك بيعود تاني لإيقاف قيد بسبب مستحقات الغاني أتشيمبونج لاعب الفريق السابق».

وأضاف: «قرأت تصريحات لوكيل أتشيمبونج بيقول أن اللاعب بقى ماشاء الله غني واشترى نادي في غانا وبقى عايش عيشة الملوك بفلوس الزمالك».

وأكمل: «الوكيل قال حاجة غريبة أن المبلغ كان 120 ألف دولار، ووصل حاليا إلى مليون و200 ألف دولار، والتأخر في دفع القسط الأخير رفع مبلغ القسط تاني إلى 200 ألف دولار».

أحمد شوبير: هو إيقاف القيد ده موضوع سهل

وأوضح:«أنا مستغرب هو إحنا فلوسنا كتير للدرجة دي؟ هو في أيه يا جماعة؟ هو إيقاف القيد ده موضوع سهل؟ اللي بيحصل ده كتير على جمهور نادي الزمالك».

وأختتم تصريحاته: «هيطلع واحد دلوقت يقولي ملكش دعوة خليك في حالك، أقوله ما هو ده حالي وده شغلي».