كشف أحمد شاهين، لاعب المنصورة، آخر تطورات أزمته في نادي المنصورة، عقب واقعة تعديه على علاء نوح المدير الفني للفريق بسبب استبداله بعد 5 دقائق فقط من مشاركته في أحد لقاءات القسم الثاني.
وكتب شاهين عبر حسابه الشخصي على موقع التواصل الاجتماعي "فيسبوك":«أنا معدتش عارف اعمل ايه والله انا دلوقتي النادي عايزني بس المدرب مش عايز ينزلني التمرين طب انا دلوقتي حد يفهمني أنا افضل قاعد في البيت ده يرضي مين».
وأضاف:«غلطت ماشي لكن أنا رد فعل طب الفعل اللى هو آذاني فيه مين هيحاسبه غير ربنا مفيش طب أنا دلوقتي راجل خاطب و داخل علي جواز ودي دلوقتي مصدر رزقي أنا دلوقتي محتاج أعرف أنا مصيري ايه».
وتابع حديثه:«والله الواحد بجد تعب اللي بيحصل فيه ده والله حرام دمرتوني بقيت كاره كل حاجة في حياتي رد فعلي طبعاً غلط لكن محدش حاسبها ان الراجل ده نزلني وبعد خمس دقايق خرجني من غير اي سبب يعني كانت مقصودة إن هو يدمر حياة شاب عنده ٢١سنه أنا حسبي الله ونعم الوكيل في اي حد آذاني».
اتحاد الكرة يعاقب أحمد شاهين لاعب المنصورة بعد مشادته مع مدربه
أعلن الاتحاد المصري لكرة القدم، إيقاف أحمد شاهين، لاعب المنصورة 3 مباريات وغرامة مالية قدرها 5000 جنية، وذلك عقابا على اعتدائه على مدربه علاء نوح.
وكانت مباراة المنصورة مع المقاولون العرب، في الجولة الثانية عشرة من عمر مسابقة دوري المحترفين، شهدت اعتداء أحمد شاهين على مدربه علاء نوح، في الدقيقة 71 عقب تبديل اللاعب بعد نزوله ملعب المباراة في الدقيقة 60، ليخرج بصعوبة من أرض الملعب في حاله هستيرية، رغم محاولات البعض تهدئته، قبل أن يتوجه إلى دكة البدلاء ويعتدي بالأيدي على مدربه علاء نوح.
وقدم أحمد شاهين اعتذارا عما حدث منه تجاه علاء نوح المدير الفنى، وأكد أنه لم يشعر بتصرفاته عندما تم استبداله من المباراة، لافتا إلى أنه يحترم مجلس الإدارة وسيقبل أي قرار يتخذه النادى خلال المرحلة المقبلة.
تابعوا آخر أهل مصر على Google News
