المشرف العام على التحرير داليا عماد

رقية تبكي لقاضي الأسرة: "لقيت لجوزي فيديوهات إباحية بيبتزّ بها الستات وبيقول ده رزق"

أهل مصر
محكمة الأسرة
محكمة الأسرة
اعلان

"مش قادرة أصدق اللى شوفته بعنيا، وعمرى ما تخليت انى أشوفه فى فيديوهات جنسية، وكمان بيهدد الستات اللى متصور معاهم عشان يبعتوا ليه فلوس مقابل عدم نشر الفيديوهات، كل دا شوفته واتأكدت منه، أنا كنت عايشة مع مجرم استحالة يكون إنسان عنده ذرة أخلاق، ولما واجهته حاول يقنعنى أنه رزق ومكسبه حلو، بقيت بقرف أبص فى وشه، ومش طايقة أبص فى وشه".. جاءت هذه الكلمات على لسان رقية ( اسم مستعار) وهى داخل محكمة الأسرة لرفع دعوى خلع من زوجها مبررة استحالة العيش معه.

روت الزوجة قصتها لـ"أهل مصر" قائلة: اتجوزت من سنة وشهر من صاحب ورشة، دا الظاهر قدام الناس واللى يعرفوه، مرتاح ماديا، لما اتقدم لى حسيت انى مرتاحة واتجوزنا، والحمد لله أنا معروفة وسط أهلى ومنطقتى بأخلاقي وعمرى ما عملت علاقة مع شاب، لحد ما اتجوزنا، كنت بستغرب أنه بيكسب فلوس كتير وكنت ديما أسأله هى الورشة بتكسب كتير كدا، كان يقول لى فى مصالح شغل بتكسب، وكنت بصدقه، لحد ما فى يوم وقع تحت إيدى اللاب توب بتاعه والباسورد مفتوح وشوفت المصيبة الكبيرة واللى بيعمله.

وتابعت حديثها: "لقيت فيديوهات إباحية للستات فى أوضاع مخلة وفيديوهات تانى هو فيها مع ستات وبينهم رسايل تهديد وبيطلب فلوس مقابل عدم نشر الفيديوهات على الإنترنت، وواجهته واعترف أنه مكسبه حلو وهو مش بينشر حاجة ويبرر لنفسه أنه كدا بيعلمهم ميعملوش حاجة غلط، اكتشفت أنه إنسان مريض وطلبت الطلاق الذى واجهه بالرفض لذلك توجهت إلى محكمة الأسرة لرفع دعوى خلع ومازالت الدعوى منظورة أمام القضاء.

إقرأ أيضاً:
اعلان
عاجل
عاجل
حالة الطقس اليوم الاثنين 25 /1/ 2021.. مائل للدفء على الأنحاء