لم تستطيع غادة تحمل استكمال مشروع الزواج الذي لم يدخل بها حتى الآن وتوقف عند "كتب الكتاب"، لتطلب خُلع زوجها، بعد أن قام بإرسال صور إباحية لها ليشجعها على قبول ممارسة العلاقة الزوجية معه قبل الزواج بعام، لترفض وبعد مشاجرات كثيرة بينهما، تقف داخل محكمة الأسرة لرفع دعوى خلع قبل إتمام الزواج مبررة ذلك بقولها: "كل هدفه إنه ينام معايا وبس قبل الزواج، عايز يكسر عيني، وأعيش في ذل معاه لكن استحالة أقبل بكدا، لأني بحترم أهلي وأخلاقي متسمحش بكدا والحمد لله والدي لما عرف اللى حصل أصر على الخلع".
وروت غادة قصتها لـ "أهل مصر": "أول مرة شافنى فيها عن طريق واحدة صديقتي، وحاول يكلمنى لكن رفضت، ولما بعت ليا مع صاحبتىي إنه عايز يقابلني عشان يتقدم ليا، قولتها اللي عايزنى يروح بيت أهلي، وفعلا اتقدم ليا وأهلي وافقوا لما لاقوه متمسك بيا، وموافق على كل حاجة، ووالدي اتفق نكتب الكتاب ونتجوز بعد سنة، وكتبنا الكتاب وهو من وقتها بيحسسني انه مراته وطلب مني صور فى أوضاع مخلة لكن كنت برفض، ومن حقه يمارس معايا العلاقة".
وتابعت حديثها: "كنت بصده وبفهمُه لما نكون فى بيتنا نعمل اللى عايزه لكن دلوقتى لا طبعا، ومن وراء أهلي، لحد ما بقي يبعت ليا صور إباحية ويقول لي نفسي أعمل كدا، كلامه جريء جدا معايا، ومهما قولت مش بيبطل يطلب مني العلاقة، ومرة فى بيتنا حاول معايا وقولت لبابا، وأصر أنه يطلقني لكن رفض عشان كدا رفعت دعوى خلع ومازالت الدعوى منظورة أمام القضاء".
تابعوا آخر أهل مصر على Google News
