'مكنتش أتوقع أبدا بعد 3 سنين حب وسنتين زواج انه يغدر بيا ويبعنى بالشكل دا، أنه يتعرف على واحدة معاها عربية، ويعمل علاقة عاطفية معاها من ورايا، ولما اكتشفت دا، وواجهته اعترف انه هيتجوزها على الرغم أنها أكبر منه بسنين، وأنا اجمل منها شكلا، لكن الفلوس خلته أعمى مش شايف أى حاجة غير فلوسها وعربيتها وكمان شقة معاها'.. جاءت هذه الكلمات على لسان حبيبة وهى داخل محكمة الاسرة لرفع دعوى خلع من زوجها بعد عامين من الزواج مبررة استحالة العشرة معه.
وروت الزوجة قصتها لـ' أهل مصر '، أنها كانت على علاقة عاطفية مع زوجها قبل أن يتقدم إلى خطبتها، حيث تعرفت عليه عن طريق أحد أصدقائها، وشعرت بالإعجاب نحوه، ومن هنا بدأت العلاقة بينهما قائلة: 'كنت بعشق التراب اللى بيمشى عليه، لدرجة أنى كنت زى الخاتم في صباعه، ووقفت جنبه فى كل حاجة، كنت دايما بحس أن قصة حبنا هتبقى حاجة كبيرة لكن للأسف خدعنى وغدر بيا، بعد ما اتجوزنا ربنا كرمنا بطفلتين توأم، وكانوا كل حياتى، لكن بدأت أحس أنه متغير معايا فى المعاملة من كام شهر ودايما خروج بالليل وسهر كتير لحد ما بقيت أحس أن فى حياته واحدة تانية، وابتديت أحاول أعرف هى مين.
وتابعت حديثها: وفعلا لقيت رسايل بينه وبين زميلة جديدة فى الشغل معاه، أكبر منه بكتير ولقيت بيهم رسايل غرامية واتفاق على الخروجات، ولما واجهته أعترف بكل بساطة أن حالتها المادية مرتاحة ومعاهه شقة وعربية وعرضت عليه الجواز، وبكل بساطة قالى هتجوز، وانتى براحتك عايزة تعيشى تمام مش عايزة براحتك، لكن مطلبتش الطلاق وفضلت أشمت فيه وأخليه مخلوع قدام زمايله ورفعت دعوى خلع ولسه المحكمة بتحدد أول جلسة.
تابعوا آخر أهل مصر على Google News
