اعلان
اعلان

صرخات مدوية لسيدة اكتشفت خيانة زوجها في أسبوع الفرح: بيقولي كفاية أني برجع أعتذرلك

دعوى الخلع صورة أرشيفية
دعوى الخلع صورة أرشيفية

'بيخوني كتير جدا وكل يوم مع ست ولما أغضب يرجع يعتذر ويطلب مني أسامحه، لكن الغريب أني بعد ما بسامحه بيرجع يخوني تاني، ولما اتخانق معاه يقول لي كفاية أني بعتذرلك ومتكبريش المواضيع دي كلها تسالي ونزوات شباب لكن أنتِ مراتي، وكأنه بيقنعني أن اللي حصل ده شيء عادي وأنا اللي مكبرة المواضيع'، جاءت هذه الكلمات على لسان أميرة وهي داخل محكمة الأسرة لرفع دعوى خلع من زوجها بعد عامين من الزواج مبررة استحالة العشرة معه.

عامان من الزواج

وقالت الزوجة في مستهل حديثها مع 'أهل مصر': 'أنا اتجوزت من سنتين ومن أول ما اتجوزت في أسبوع الفرح اكتشفت أنه بتاع ستات وكل يوم في علاقة جديدة، ولما ابتديت أقفشه في العلاقات النسائية، كان بيعتذرلي ويقول إنها مجرد نزوة، ومتبقاش دماغك صغيرة، أنت مراتي وأنا فضلتك على الستات كلها، وقبلت اعتذاره أول مرة على أساس أنه مش هيعمل كدا تاني، لكن هو عجبه الموضوع وفضل كل يوم يخوني ويعرف ستات على الفيس بوك وبينهم صور إباحية وحاجات مش كويسة'.

رفع دعوى خلع

وتابعت حديثها قائلة: 'كنت بتحمل عشان بيتي وأقول بكره ربنا يهديه ويعقل، لكن هو زودها أكتر لحد ما طفح بي الكيل واتخانقت معاه ولقيته بيقول لي 'كلها نزوات واحمدي ربنا أني بعتذرلك'، عشان كدا رفعت دعوى خلع بمحكمة الأسرة وانتظر أولى الجلسات بعد ما رفض يطلقني'.

WhatsApp
Telegram
إقرأ أيضاً