"أنا اللى غلطانة من البداية لما وافقت عليه واتمسكت بحبي وأنا عارفه أن أمه مش موافقة عليا عشان عايزة تجوزه بنت أختها، لكن أنا كذبت على نفسي وقولت إن جوزى هيقف معايا وهيكون سندى لأنه بيجبنى وأقنعت نفسي أنى هخليها تحبنى زى بناتها، لكن فشلت وعيشتنى فى حجيم بسبب السحر والأعمال اللى بتعملها كنت بموت من التعب الجسدى والنفسي بسبب الخلافات اللى ديما فى البيت وجوزى بقى مش طايق يشوف وشي".. جاءت هذه الكلمات على لسان جهاد وهى داخل محكمة الأسرة لرفع دعوى خلع من زوجها بعد عامين ونصف من الزواج مبررة استحالة العشرة معه.
وروت الزوجة مأساتها لـ "أهل مصر" قائلة: "كنت فى الشغل معايا زميل ليا وربطت بينا علاقة عاطفية، لكن كانت فى الحدود جدا، ومكملتش كام شهر وطلب يجى يتقدم لي رسمى وصارحنى أن والدته مش موافقة عليا؛ لأنها عايزة تجوزه بنت خالته وطلب منى أقف معاه وأنه هيحاول يخليها تيجى معاه وهو بيتقدم عشان أهلى وفعلا أنا قولته هتحمل كل حاجة عشان خاطره وفعلا اتجوزنا وكنت بحاول أقنعها بيا وأخليها تحبنى؛ لكن للأسف معرفتش وبقت تكرهنى أكتر من الأول لما تشوفنا مبسوطين مع بعض وتبدأ فى تحريض جوزى بكل الطرق ولما معرفتش توقع بينا راحت للسحر والأعمال".
وتابعت حديثها قائلة: "فجأة جوزى قلب عليا بقى مش مستحمل كلمة منى طول الوقت خناق وشتيمة لدرجة أنها وصلت للضرب وكمان أنا التعب الجسدى زاد وصداع ديما وروحت لأكتر من دكتور ملقتش أى سبب عضوى لحد ما أهلى نصحونى أروح لشيخ وفعلا قال إنى معمول ليا عمل بالمرض والطلاق من جوزى، وحاول يفكه لكن اكتشفت أن حماتى بتجدده لحد ما بقت حالتى النفسية صعبة جدا وقررت أبعد عنهم كلهم وأبدأ حياتى من أول وجديد، ورفعت دعوى الخلع ولا تزال منظورة أمام القضاء.
تابعوا آخر أهل مصر على Google News
