لم تتحمل منى صاحبة الـ27 عامًا أكثر من عام ونصف زواج لتقف داخل محكمة الأسرة لرفع دعوى خلع من زوجها مبررة ذلك بقولها "جوزى مالوش أي شخصية قدام أهله لازم يمشي وراء كل كلمه بيقولها، حتى في حياتنا الشخصية، وخاصة أمه اللي بيتعبر كلامها مقدس ولازم ينفذ حتى لو على حساب راحتنا الشخصية، كمان طري فى المعاملة مش راجل ناشف وطبعا دا ما خلى اخواته يجوا عليه عشان خاطر مصلحتهم، وهو ولا حاسس بالدنيا لحد ما بقيت شايفه طيف قدامى وصعب جدا اعيش مع واحد مش شايفة راجل ولا ينفع اتحامى فيه عشان يجيب حقي.
وقالت الزوجة في مستهل حديثها لـ"أهل مصر"، "اتجوزت من سنة ونص زواج صالونات وللأسف هو خطبنى وسافر فى شغل ومعرفتش اقعد معاه عشان اتعرف على طبيعية شخصيته، ولما بكلمه فى التليفون كان يقول على كل حاجة حاضر أو هفكر وتانى يوم يرد عليا ، وكنت زى أي بنت فاكرة إنه هو كدا بيعودنى على طبعه، وعمرى ما تخليت إنه كان بيقول لى هفكر على أساس إنه بيقول لأمه وأخواته الأول وبعدين يرد عليا على أساس أنه هو رده وأنا كنت فاكرة إنه بيحبنى لحد ما اتجوزنا بعد ما رجع من السفر واكتشفت إنى عايشة مع خيال مآته مش راجل، مش بيعرف يعمل أى حاجة غير لما يسأل أمه وأخواته الأول لو هنشترى كيلو باميه لازم يقولهم، كل خصوصياتنا هم اللى بيتحكموا فيها بشكل مش طبيعي".
وتابعت حديثها قائلة: "كان نفسي يكون شخصية مش طرى كدا مع اخواته ومع كل الناس، فى البيت بحسه بيتكلم بلهجة والدته وأخوه الكبير، كنت استغرب إنى أخوه بيفرض سيطرته عليا، في حين إنى مراته واخده كل حريتها ودا كله بسبب ضعف وجبانة جوزى خلى الكل يتحكم فينا، ولما اتكلم معاه عشان يبقي شخصية ونستقل بحياتنا يقول لى حاضر وتانى يوم الاقي أمه وأخوته عرفوا واتخانقوا معايا لدرجة انهم يشتمونى بابشع الألفاظ لدرجة إنى اتخانقت معاهم ورديت عليهم ولأول مرة فى حياتى وبعدها قررت ارفع دعوى خلع بمحكمة الأسرة ومازالت الدعوى منظورة أمام القضاء.
تابعوا آخر أهل مصر على Google News
