لم تتوقع منار صاحبة الـ ٢٦ عاما من العمر، أن زوجها الموظف المحترم فى نظرها هى وأطفالها "نصاب وحرامى"، حيث يقوم بعمليات نصب على نساء ويوهمهن بالدخول في مشروعات واستثمارات على أساس أنه رجل أعمال؛ ليقع فى النهاية بين يدى الشرطة بتهمة النصب، مما يجعل زوجته تقف داخل محكمة الأسرة لرفع دعوى خلع من زوجها بعد 6 سنوات من الزواج؛ مبررة ذلك بقولها "عمرى ما كنت أتخيل إنه نصاب وبيمشي مع ستات وخاصة الكبار في السن عشان يعرف يضحك عليهم، ومفكرش فى سمعة أولاده قدام الناس".
وقالت الزوجة في مستهل حديثها مع "أهل مصر": "أنا متجوزة من ٦ سنين جواز تقليدى، فى الأول شافنى فى فرح وحاول يكلمني، ولما رفضت أكلمه اتقدم ليا رسمى وأنا وافقت لأنه موظف محترم فى مؤسسة، ومقبول الشكل ومن عيله طيبة، وفعلا اتجوزنا بعد ٥ شهور خطوبة، وكانت حياتنا مستقرة بشكل كبير، والكل بيحسدنا على التفاهم اللى بينا، ومرت الأيام والشهور وربنا رزقنى منه بطفلين، كانوا نور عنيا، وحلمى إني أربيهم وأطلعهم أحسن مني ومنه".
وتابعت حديثها قائلة: "لحد ما فى يوم بعد ٦ سنين جواز تفاجأت بخبر القبض على جوزى بتهمة النصب، وكنت بكذب الكل وبقول برئ واستحالة يعمل كدا أكيد فى شىء مش مظبوط، وفضلت أدور على محامى واتنين عشان أقف جنبه وأثبت براءته لحد ما لقيته هو اعترف للمحامى بشكل شئ كان بيعمل علاقات فى الحرام ويوهمهم بالحب لحد ما ينصب عليهم وياخد فلوسهم، هنا قررت أنى فعلا أنفصل عنه عشان أولادى وخاصة بعد ما دخل السجن، عشان كدا قررت أرفع دعوى خلع وانتظر أولى الجلسات".
تابعوا آخر أهل مصر على Google News
