أشرف في دعوى نشوز: "هربت بولادي وفلوسي بعد ما عرفت اني مصاب بمرض خبيث"

"طول فترة جوازنا وانا بعمل كل اللى عايزاه حتى فلوسي بديهالها من غير حساب لحد ما تعبت واكتشفت ان عندي ورم خبيث وهيأثر على العلاقة سابتني وخدت العيال والفلوس ومشيت ومعرفش مكانها"، هكذا بدأ أشرف حديثه من أمام محكمة الأسرة ، بعد رفعه دعوى قضائية لإثبات نشوز زوجته.

١٠ سنوات من الزواج

قال الزوج: "تزوجتها منذ 10 سنوات زواجًا تقليديًا في بداية الأمر ولكن سرعان ما نشأ الحب بيننا أو من طرفي خاصة فكنت كالخاتم في أصباعها كل طلباتها تنفذ، تأخذ ما تحتاجه من أموال دون أن أسالها أين أنفقت هذه الأموال، ورزقنا الله بطفلين، وكانت الحياة مستقرة بيننا، وكنت بديها معظم فلوس شغلي عشان تشتري بيهم دهب ليها أو تشيله في البيت، لحد متعبت فجأة والدكتور قال ان عندي ورم خبيث ولازم استأصله وابدأ العلاج الكيميائي".

هربت بفلوسي وأولادي

وتابع حديثه " أنا فكرتها هتكون سندي وهتحزن على مرضي وتفضل جنبين لكن خيبت كل توقعاتي، وبعد أسبوعين من مرضي، صحيت في يوم ملقيتهاش في البيت لا هي ولا الأطفال ولا فلوسي، ساعتها اتأكدت انها هربت بالفلوس والدهب، خافت اصرفها على علاجي"، متابعًا: "حاولت أعرف مكانها ودورت عليه كتير لحد ما غلبت، ودا السبب اللي خلاني الجأ لمحكمة الأسرة وارفع دعوى نشوز ومازالت الدعوى منظورة أمام القضاء".