قال شريف صلاح إنه شاب يبحث هو وأخته التوأم عن أهلهما بعد 21 عامًا، قائلًا: أنا قررت لما لقيت الحياة صعبة جدًا عليا أنا واختي أني أدور عليهم.
وخلال مداخلة هاتفية ببرنامج '8 الصبح ' المذاع عبر فضائية 'دي إم سي'، أكد صلاح أنه بالنسبة لأخته هو المسئول عليها وأسرتها، موضحًا أنه كان حلمه أنه يكمل تعليمه، مُردفًا: أنا طلعت من أولى ثانوى عشان أقدر أشتغل وأتعب وأكمل لأختي تعليمها.. وهي دلوقتي في رابعة حقوق عين شمس.
وأوضح صلاح أنه كان يعمل بالكثير من الأعمال المختلفة، أولها كان يعمل فى ورشة سيارات وعمل فى بزار للذهب، قائلًا: أنا بعرف اتكلم انجليزى.. وعلشان السياحة شغلها قليل دلوقتى بشتغل فى محل للأجهزة الإلكترونية.
مأساة توأم يبحث عن أسرته بعد 21 عامًا
واختتم صلاح: كنت صغير جدًا لما أهلي مكنوش معايا.. وأنا لو فاكرهم مكنتش دورت.. وأمنية حياتي أني أشوفهم وأشوف شكلهم'، متابعا: خايف لما أموت أختي تكون لوحدها في الدنيا.
تابعوا آخر أهل مصر على Google News
