حذر الإعلامي أحمد موسى، المواطنين من عدم ارتداء الكمامة في الفترة المقبلة، مؤكدا أن الدولة لن تتهاون مع أي متجاوز في هذا الأمر بسبب انتشار وباء كورونا.
وخلال تقديم برنامجه "على مسئوليتي" المذاع عبر شاشة "صدى البلد" مساء اليوم، الثلاثاء، قال موسى: عايزين نعدي الفترة دي على خير.. الرئيس نفسه في الاجتماعات بيكون الكل لابس الكمامة.
وتابع موسى: مش ناقصين دلع.. البسوا كمامة زي ما كنا لابسينها.. احموا بلدكم.. لو سمحتوا كله يلبس الكمامة خاصة في الأماكن المغلقة.. لكن في الأماكن المفتوحة مش مهم أوي.. وفي الأماكن المغلقة الكمامة فرض عليك.
واختتم: وأنا جي الاستوديو النهاردة مفيش حد لابس كمامة خالص.. لو مش خايف على نفسك، خاف على أهلك وبلدك، وأصدقائك.. فيروس كورونا مُنتشر وخطير جدًا.
تابعوا آخر أهل مصر على Google News
