بعدما أثار تمثال 'مصر تنهض 2020'، حالة من الجدل ووعد الجمهور بتعديله، ولكن الصدمة أنه بعد إعادة التصميم أنه لاقي حالة من الرفض عند النخبة والجمهور العادي، قال المثال الدكتور أحمد عبدالكريم: 'أنا وعدت الناس أني هكمل التمثال لأنه كان في مرحلة غير مكتملة، في حدود الإمكانيات الخاصة برؤيتي، والنسب إلي حد كبير جدا لا يختلف عليها اثنين، والتمثال في الحالة الاولي كان فيه امتلاء، والتمثال في الوضع الحالي اتغير وأنا لا أروج لتمثالي، ومجهودي كنت حاول أوصل لحالة مصدقية'.
وأضاف في مداخلة ببرنامج التاسعة تقديم الإعلامي وائل الإبراشي: 'شايف أن فيه حالة رضا، ومن الضهر مفيش تعليقات من نوعية التعليقات الساخرة'، موضحا اللي بيقارن بين تمثالي وبين نهضة مصر غير عادلة، تمثال مختار اتعمل في سنوات عديدة. متابعا: 'أنا شايف مصر بتنهض هل ألام علي حبي لمصر، وشايف حالة عبرت عنها أن مصر متكلبشة وبتمتلك أدوات خروجها من الصخر وعبرت عن الحالة دي، وفيه فلسفة أنا مش عايز أقولها'.
تابعوا آخر أهل مصر على Google News
