قال اللواء محمد الشريف، محافظ الإسكندرية إنه لازال أمامه فترة تتراوح بين ثلاثة إلى أربعة أيام حتى تنتهي فترة العزل الصحي الخاصة به.
وخلال مداخلة هاتفية عبر برنامج 'كلمة أخيرة' الذي تقدمه الإعلامية لميس الحديدي على شاشة ' ON' تابع الشريف: النهارده مش حابب أتكلم كمحافظ لكن كأحد المواطنين الذين أصابهم فيروس 'كورونا'.. الإصابة ليست سهلة وإنما شديدة.. وعاوز أقول للمواطنين من تجربتي.. كورونا صعبة مش وتؤدي لتدهور الحالة الصحية للإنسان.. التنفس بيبقى صعب أوي.. مش زي الأنفلونزا خالص.. الموضوع مش سهل.
وواصل الشريف: رسالتي لغير الملتزمين الأمر شديد الخطورة وكل واحد يخلي باله من نفسه.. وأنا كمحافظ وأثناء عملي ومباشرتي للأمور بشكل ميداني مكنتش حريص بشكل زيادة عن اللزوم أحياناً كنت بقلع الكمامة عشان أكلم الناس وأرجع ألبسها تاني.. الكلام ده مش هكرره تاني لاني شفت المرض وعانيت منه جدا.
وحول احتفالات كوبري ستانلي في رأس السنة، قال المحافظ: كنت حزين جدا على المواطن السكندري أكبر من حزني على نفسي وكنت بتخيل لو أنا كنت موجود وقتها كنت هنزل بنفسي وهمنع ده زي ماعملت المرة اللي فاتت ومكنش الموقف كويس.. وشفت كمان فيديوهات كارفور.
تابعوا آخر أهل مصر على Google News
