والدة الشاب العائد لأسرته بعد 21 عامًا تكشف تفاصيل الواقعة: "كنت استعوضت ربنا فيه"

كشفت الحاجة منى عبدالقادر والدة الشاب أيمن عزت، الذي عاد لأسرته بعد 21 عاما من اختفائه، تفاصيل الواقعة.

وخلال لقائها ببرنامج "الحياة اليوم"، المُذاع عبر فضائية "الحياة"، قالت والدة الشاب الذي عاد لأسرته بعد 21 عاما من اختفائه،: أنا مش مصدقة رجعوه لي بعد ماستعوضت ربنا فيه.. بس كان عندي إحساس إنه راجع.

وتابعت: حاسة بسعادة كبيرة.. واللي حصل معجزة كبيرة.. ودي أكبر فرحة في حياتي، ودلوقتي مش مصدقة أن ابني رجعلي.

وأوضحت: عمة ابني كانت في القاهرة راجعه البلد في القطر.. والسيرة اتفتحت وواحدة قالت لها إن فيه شاب عندهم بقاله 20 سنه، كنا لاقيينه وهو عنده 3 سنين، وأخذت منها الرقم، ولما رجعت البلد قالت لجوزي وراحوا البلد التانية طلع ابني.

وأكملت: "أول ما شوفته قلبي اتفتح له، وقولت ابني".

وأردفت: ابني اختفي وهو عنده 3 سنوات.. كنت سيباه مع اخواته، وطلعت اجيب خضار، رجعت ملقتهوش، وكان اخواته راحوا المدراس، قعدنا ندور عليه 15 سنة، ولحد ما استعوضت ربنا، بعد ما لفينا الدينا كلها.