بعد تصريحاته عن بنات الصعيد والريف، التي أثارت جدلا كبيرا خلال الأيام الماضية، والتي قررت بناءا عليها نقابة الإعلاميين سحب رخضة مزاولة المهنة منه، ماذا قال تامر أمين عن نجلته؟.
في حلقة سابقة، من برنامجه آخر النهار، والتي استضاف خلالها الإعلامي الكبير مفيد فوزي، اعترف أمين، بأنه اعتدى على شاب بالضرب، بسبب معاكسته لنجلته، ولم يلجأ للقضاء، قائلا: بنتي محدش ييجي جنبها.
ورد مفيد فوزي قائلا: يعني بلغت عنه الشرطة والا عملت إيه يا تامر؟.. ليجيب أمين: بعد الحلقة ممكن أخد حضرتك و نروح نزوره.. هو جنبنا هنا في المستشفى، ملحقش يتقبض عليه.. أخد الطريحة المحترمة، في وقتها.
وكانت هيئة المكتب بالمجلس الأعلى لتنظيم الإعلام، قررت وقف برنامج الإعلامى تامر أمين إلى حين استدعائه والتحقيق معه، والتأكيد على ضرورة الالتزام بمدونات النشر التى تحض على تعظيم القيم السلوكية والأخلاقية، وأكد المجلس على الاحترام الكامل لأهالي الصعيد الذين يمثلون الشهامة والمروءة والرجولة.
وبداية الأزمة كانت بتصريح غير مسئول من الإعلامي تامر أمين، من خلال برنامجه أخر النهار المذاع علي 'قناة النهار الفضائية'، بقوله إن الأهالي في الريف والصعيد ينجبون الأطفال لا للاتحاق بالتعليم بل للإنفاق عليهم مؤكدا: 'نسبة كبيرة في الريف والصعيد بيخلفوا ولاد وبنات، مش علشان يصرفوا عليهم ويخدوا شهادات ويتعلموا ويبقى عندهم فرص عمل إنما بيخلفوهم علشان العيال دي هم اللى يصرفوا على الأب والأم'.
وأضاف: 'في أسر كتير أوي بيخلف الولد وأول ما يبقي عنده 5 أو 7 سنين بالكتير يرميه علي ورشة سمكرة أو دوكو أو يبقي فواعلي يشتغل في المعمار المهم يشتغل وإعلاميًا بنسميه الواد بلية صبي الأسطي، فيروح الاسطي يديله 1000 جنيه ياخد الولد الفلوس أخر الشهر يرموهم في حجر أبوه ده الولاد، لو جاله بنت هيغلب أو يدخلها المدرسة لأ، البنات أول ما تبقي 8 أو 9 سنين اشحن تشتغل في البيوت وفيه ازمة في الخادمات فبتتشحن للقاهرة أو الإسكندرية.
تابعوا آخر أهل مصر على Google News
