قال محمد حسن، بائع الفاكهة الذي أمر الرئيس بعلاجه بعدما التقاه أثناء واحدة من جولاته الميدانية لمشروعات مدينة نصر، فوجئت بالرئيس قدامي ولما الرئيس يشتري مني موز عمري ما اتخيلتها في حياتي، وأنا كان عندي مشكلة في الأعصاب والنخاع الشوكي، وبتكليف من سيادته لوزراة الصحة جابوني مستشفي الشفاء.
وتابع خلال مداخلة هاتفية مع الإعلامية إيمان الحصري، فى برنامج 'مساء دي إم سي': 'أنا بقف في المكان بقالي 30 سنة، وأغلب قيادات مصر بتعدي من هناك، ويشتروا مني، والإصابة جاتلي من 5 سنين بعد وفاة والدتي ووالدي، وفوجئت النهارده في شارع أحمد فخري أمام حديقة الطفل بوجود الرئيس السيسي ففتح باب العربية وقال لي هاتلي 4 كيلو موز، سلمت عليه قالي اوزن الأول، جميل سيادة الرئيس ربنا يحميه ويبارك فيه ويحفظه للبلد'.
وأوضح: 'جات لي ظروف وقعدت فترة ما بشتغلش بسبب كورونا، وفوجئت بوجود الرئيس النهارده، دي عندي كبيرة جدا، وخلصت الأشعة الرنين والتحاليل وكله اتعمل النهارده، وفيه أشعة هعملها بعد نصف ساعة لسه'.
تابعوا آخر أهل مصر على Google News
