علق الإعلامي عمرو أديب على تحريك السفينة الجانحة بقناة السويس: "أيوة كدة علشان الناس تبطل تريقة علينا، السفينة ده كانت كابوس على صدري، وكل شوية إيه اللى حصل".
وخلال برنامج "الحكاية" المذاع على فضائية "أم بي سي مصر"، تابع أديب: "أهم لقطة كانت فى أزمة السفينة خبر عودة السفينة بعد تحريكها لمكانها مرة أخرى، وأنا شوفت نوعين من البشر الأول كان عمال يقول يارب، والثاني كان شمتان، ودول الوجوه السوداء التي كانت مجبرة على الضحك والفرحة معنا بخروج السفينة ولكن ربنا وقدرته".
وأوضح أديب: "السفينة كانت بتجري في المجرى زي القرموط في المية، هناك ناس بتحب البلد بجد، يا جماعة دي مصر.. الناس تنفست والسفينة كانت حجر على صدر البلد، والناس كلها كانت خايفة على البلد".
وكان الفريق أسامة ربيع رئيس هيئة قناة السويس أعلن، اليوم الإثنين، عن نجاح تعويم سفينة الحاويات البنمية الجانحة EVER GIVEN بعد استجابة السفينة لمناورات الشد والقطر حيث تم تعديل مسار السفينة، وجارى سحبها من قبل قاطرات الهيئة إلى منطقة البحيرات.
تابعوا آخر أهل مصر على Google News
