سماح أنور تهاجم الحجاب: ألبسه ليه وربنا خلقني بشعر؟.. وربنا ميتخافش منه

علقت الفنانة سماح أنور على مسألة فرضية ارتداء الحجاب، وهل هو فرض أم اختيار ذاتي يرجع إلى الشخص، مشيرة إلى أن تفسير آية الحجاب في القرآن الكريم تم تفسيرها من قبل بشر ويمكن تفسيرها بأوجه مختلفة.

وأضافت "أنور"، خلال حوارها مع الإعلامي أحمد سالم، مقدم برنامج "لحظات جريئة"، على شاشة "القاهرة والناس": "أنا فسرت الآية بطريقة تانية خالص إن ربنا خلق لي شعر، هل شعري هو المشكلة أم العورة هي المشكلة؟، فيه ستات لابسه حجاب ولبسها ميرضيش ربنا".

وأوضحت في تعليق على آية الحجاب: "أنا مليش دعوة بالحجاب الديني هل هو فرض ولا لا، أنا مابشتغلش في الدين، أنا لو حطيت حاجة على شعري بتخنق، وربنا اللي هيحاسبني، وأنا مش بحب اللي يخوفني من ربنا، ربنا يتحب بس ميتخافش منه".