رصد برنامج 'تفاصيل'، المُذاع عبر فضائية 'صدى البلد 2 ' ، تقديم الإعلامية 'نهال طايل'، تفاصيل اللحظات الأخيرة في حياة فتاة المول 'نجلاء'، بالبحيرة بعد مقتلها على يد صديقة عمرها.
وخلال البرنامج قال والد نجلاء ضحية غدر الصداقة بالبحيرة: 'نور صاحبتها وكانت بتثق فيها في كل حاجه، وكانوا دايما قاعدين مع بعض'، ونجلاء كانت شغالة في عيادة رمد وكانت معروفة، وبتعمل خير دائما وكانت محبوبة من البلد كلها'.
وتابع: 'بنتي الكبيرة هي اللي بلغتني الخبر لأنها كانت معزومة عندنا، وصحابها اتصلوا عليها بلغوها الخبر.. لقيتها بتبلغني بالخبر وتقول الحقني يا بابا اختي اتقتلت في العيادة.. طلعت أجري على المول، علشان أشوف بنتي، لقيت الشرطة لسه بتعاين مكان الجريمة'.
وواصل: 'مكنتش مصدق أن صاحبتها هي اللي قتلتها لأنها كانت أعز صاحبها.. وهي اللي دبرت خطة قتل نجلاء صاحبة عمرها، وبنتي محبوبة وكانت ملاك ماشي على الأرض، وكانت بتحب الناس والناس بتحبها.. وكفر الدوار كلها في حالة حداد من ساعة ما نجلاء اتقتلت'.
واختتم: 'يوم الحادث نجلاء بنتي كانت قاعدة في العيادة، وأول ما صاحبتها دخلت جابت لها عصير، وهما قاعدين مع بعض، خنقوها وضربوها على دماغها ولم يتركوها إلا وهي جثة هامدة'، مردفا: 'عمري ما حذرتها من صاحبتها ولا عمري شكيت فيها، وأبوها نفسه مش مصدق اللي بنته عملته.. وأنا طالب العدالة والقصاص لبنتي'.
تابعوا آخر أهل مصر على Google News
